Procesi i konfirmimit të zotit Kavanaugh u zvarrit gjatë për shkak të akuzave të ngritura ndaj tij nga tre gra për sjellje të pahijshme seksuale. FBI-ja bëri një hetim, por raporti i saj për të parë nëse akuzat kanë patur ndonjë bazë është pritur me reagime kryesisht në linja partiake.
Nënpresidenti amerikan Mike Pence, tha se "dita e sotme ishte historike derisa shumica votoi për të dërguar një zë të ri në Gjykatën e Lartë, i cili do të mbështesë vizionin e përjetshëm të themeluesve të Amerikës".
Presidenti Donald Trump uroi në Twitter: “Duartrokas Senatin për konfirmimin e kandidatit tonë të mrekullueshëm në Gjykatën e Lartë”.
Zoti Kavanaugh do të zëvendësojë gjyqtarin Anthony Kennedy, i cili doli në pension si anëtar i Gjykatës së Lartë.
Një tjetër ish anëtar i kësaj gjykate John Paul Stevens, fillimisht ishte mbështetës i zotit Kavanaugh, por tani thotë se kandidati nuk e meriton të jetë në Gjykatën e Lartë.
John Paul Stevens i tha një audience pensionistësh në Boca Raton të shtetit Florida, se nuk mendon që Kavanaugh ka temperamentin e duhur për këtë punë, duke përmendur tonin agresiv që kandidati përdori kur po pyetej nga senatorët, gjatë dëshmisë rreth akuzave për sjellje të pahijshme seksuale.
Në Shtetet e Bashkuara Gjykata e Lartë shihet si një institucion mjaft i respektuar dhe me rëndësi të madhe kombëtare pasi ajo merr vendime në interpretim të Kushtetutës që mund të kenë ndikime për një brez të tërë amerikanësh.
Analistët thonë se gjykatësi Kavanaugh, që u kandidua ga presidenti, Donald Trump, do t'u sigurojë konservatorëve shumicën 5 me 4 në Gjykatën e Lartë. Mandati i përjetshëm do të thotë që 53 vjeçari Kavanaugh, mund të shërbejë për dekada.
Today is a historic day for our country as a majority in the U.S. Senate voted to send a new voice to the Supreme Court who will uphold the timeless vision of America’s founders — Judge Brett Kavanaugh. My full statement below: pic.twitter.com/OYlkQEMOCR
— Vice President Mike Pence (@VP) 6. Oktober 2018
