LIVE: Situatë shqetësuese në Gaza, Izraeli nuk e ka në plan t’i ndal bombardimet – vjen thirrja urgjente nga Erdogani

Familjet e personave të cilët po mbahen peng në Gaza nga Hamasi, kanë paralajmëruar se do të fillojnë të protestojnë nëse kryeministri izraelit, Benjamin Netanyahu dhe ministri i Mbrojtjes, Yoav Gallant nuk takohen me ta të shtunën.

Një zëdhënës i familjeve tha se ata planifikojnë të mblidhen në një shesh qendror në Tel Aviv, shkruan Al Jazeera.

Ata dëshirojnë takimin për shkak të shqetësimit të shtuar për të dashurit e tyre pasi Izraeli i shtoi sulmet në Gaza brenda natës.

Pretendimi i ushtrisë se po synon infrastrukturën nëntokësore ka nxitur frikën mes familjeve për pengjet që mban Hamasi. 

Presidenti i Turqisë, Recep Tayyip Erdogan, i bëri thirrje Izraelit që “menjëherë të ndalë këtë çmenduri” dhe t’i japë fund sulmeve ndaj caqeve në Gazë, pasi forcat izraelite intensifikuan sulmet ajrore, detare dhe tokësore në Rripin e Gazës, të kontrolluar nga Hamasi.

“Bombardimet izraelite në Gazë u intensifikuan mbrëmë dhe sërish shënjestruan gra, fëmijë dhe civilë të pafajshëm, duke përkeqësuar krizën humanitare”, shkroi Erdogan në X, që më herët njihej si Twitter.

“Izraeli duhet që menjëherë të ndalë këtë çmenduri dhe sulmet e tij”.

Izraeli është zotuar për pushtim të mundshëm tokësor të Gazës pasi militantët e Hamasit më 7 tetor kryen sulme në jug të Izraelit duke vrarë mbi 1.400 persona dhe duke marrë mbi 200 pengje.

Mbi 7.300 palestinezë janë vrarë në Gazë gjatë sulmeve hakmarrëse të Izraelit, përfshirë edhe afër 3.000 fëmijë, sipas autoriteteve në Gazë.

Erdogan po ashtu inkurajojë një dalje më masive në një tubim në mbështetje të palestinezëve në Stamboll të paralajmëruar për sot nga partia AKP.

Gjatë dy dekadave në pushtet, Erdogan vazhdimisht ka pasur qëndrim në mbështetje të palestinezëve, por vitin e kaluar ai po ashtu vendosi të përmirësonte raportet diplomatike me Izraelin dhe në shtatorin e kaluar u takua për herë të parë me kryeministrin izraelit, Benjamin Netanyahu.

Megjithatë, më herët gjatë javës ai anuloi një vizitë të planifikuar në Izrael, duke thënë se shkak i anulimit është lufta “çnjerëzore” kundër militantëve të Hamasit në Gazë, që ai i përshkroi jo si grup terrorist, por si “çlirimtarë” që luftojnë për tokën e tyre. Këto deklarata të tij u dënuan nga Qeveria izraelite./REL

Izraeli tha të shtunën se po zgjeron operacionin e tij tokësor në Gaza me këmbësori dhe automjete të blinduara të mbështetura nga sulme "masive" nga ajri dhe deti, duke përfshirë bombardimin e tuneleve të Hamasit, një objektiv kyç në fushatën e tij për të shtypur grupin që kreu një sulm të përgjakshëm në jug të Izraelit tre javë më parë.

Ushtria izraelite publikoi pamje të tankeve që lëviznin ngadalë në zona të hapura të Gazës dhe tha se avionët e tij bombarduan dhjetëra tunele dhe bunkerë nëntokësorë të Hamasit.

"Forcat janë ende në terren dhe po vazhdojnë luftën", tha të shtunën zëdhënësi i ushtrisë, Daniel Hagari, duke lënë të kuptohet se ka filluar periudha që pritet të shndërrohet në një sulm tokësor gjithëpërfshirës në veri të Gazas.

Ditë më parë, Izraeli kishte grumbulluar qindra mijëra trupa përgjatë kufirit. Deri më tani, trupat kanë kryer ndërhyrje të shkurtra tokësore gjatë natës përpara se të ktheheshin në Izrael.

Zëdhënësi Hagari tha se forcat tokësore u mbështetën nga ato që ai i përshkroi si sulme masive nga ajri dhe deti. Ai tha se dy komandantë të tjerë të rëndësishëm ushtarakë të Hamasit u vranë gjatë natës, duke argumentuar se Izraeli po përballej me një armik "të dobësuar". Nuk pati asnjë konfirmim të menjëhershëm nga Hamasi.

Faza e re e fushatës filloi të premten vonë, me bombardimet që ndërprenë komunikimet në Gazën e rrethuar, duke i shkëputur 2.3 milionë banorë nga kontakti me botën e jashtme.

Mbyllja pothuajse e tërësishme e informacionit nga Gaza i mundësoi ushtrisë të kontrollojë “rrëfimin” në një periudhë thelbësore të luftimeve. Palestinezët u hodhën në izolim, duke u grumbulluar në shtëpi dhe strehimore me furnizimet me ushqim dhe ujë pothuajse të mbaruara. Furnizimi me energji elektrike është këputur nga nga Izraeli që në fazat e hershme të luftës.

Shkëputja e internetit dhe shërbimeve telefonike e dha një goditje të mëtejshme sistemit mjekësor dhe atij të ndihmës që punonjësit thonë se ishte tashmë në prag të kolapsit. Më shumë se 1.4 milionë njerëz janë larguar nga shtëpitë e tyre. Gati gjysma janë grumbulluar në shkollat dhe strehimoret e Organizatës së Kombeve të Bashkuara. Punonjësit humanitar thonë ndihma që Izraeli ka lejuar të hyjë nga Egjipti javën e kaluar, është vetëm një pjesë e vogël e asaj që është e nevojshme.

Spitalet e Gazës kanë kërkuar karburant për gjeneratorët e urgjencës, që vënë në punë inkubatorët dhe pajisjet e tjera për shpëtimin e jetës.

Agjencia shëndetësore e OKB-së dhe grupet e tjera të ndihmës, thanë të shtunën se nuk janë në gjendje të komunikojnë me ekipet e tyre në Gaza.

Tedros Adhanom, shefi i Organizatës Botërore të Shëndetësisë, tha se ndërprerja e energjisë ka bërë të pamundur që ambulancat të arrijnë të marrin të plagosurit. “Ne jemi ende pa kontakt me personelin tonë dhe objektet shëndetësore. Jam i shqetësuar për sigurinë e tyre”, shkroi ai në platformën X, e njohur më parë si Twitter.

Fushata e ngjeshur ajrore dhe tokësore, ngriti gjithashtu shqetësime të reja për sigurinë e dhjetëra pengjeve që mbahen në Gaza që nga 7 tetori. Zëdhënësi Hagari tha të shtunën se numri i konfirmuar i pengjeve tani është 229, pasi katër pengje u liruan në ditët e fundit me ndërmjetësimin e Egjiptit dhe Katarit.

Ai hodhi poshtë raportet e mediave për një marrëveshje të mundshme armëpushimi në këmbim të lirimit të pengjeve, duke e cilësuar si një "shfrytëzim cinik", para së gjithash nga Hamasi, të ankthit të të afërmve të pengjeve.

Familjet e pengjeve kërkuan të shtunën kërkuan një takim me kryeministrin izraelit Benjamin Netanyahu dhe ministrin e Mbrojtjes Yoav Gallant, mes shqetësimeve në rritje për fatin e të dashurve të tyre.

Ndërprerja e komunikimeve në Gaza rriti gjithashtu ankthin e palestinezëve në Bregun Perëndimor. Wafaa Abdul Rahman, drejtoreshë e një organizate feministe me bazë në qytetin Ramallah, tha se nuk kishte dëgjuar asgjë për orë të tëra nga familja në Gazën qendrore.

Izraeli thotë se sulmet e tij po vënë në shënjestër luftëtarët dhe infrastrukturën e Hamasit dhe se militantët po veprojnë nga radhët e civilëve, duke i vënë ata në rrezik.

Numri i të vdekurve palestinezë në Gaza ka arritur në mbi 7,300, më shumë se 60 për qind e tyre të mitur dhe gra, sipas Ministrisë së Shëndetësisë së territorit. Një bllokadë në Gaza nënkupton pakësimin e furnizimeve dhe OKB-ja paralajmëroi se operacioni i saj i ndihmës për qindra mijëra njerëz po "rrënohet” mes mungesës së karburantit.

Më shumë se 1,400 njerëz u vranë në Izrael gjatë sulmit të Hamasit me 7 tetor, sipas qeverisë izraelite, dhe të paktën 229 pengje u morën në Gaza. Në mesin e të vrarëve ishin të paktën 311 ushtarë.

Militantët palestinezë kanë hedhur mijëra raketa në drejtim të Izraelit.

Numri i përgjithshëm i vdekjeve tejkalon shumë numrin e të vrarëve në katër luftëra të mëparshme Izrael-Hamas.

Yoav Gallant, ministër izraelit i Mbrojtjes, tha të premten se Izraeli pret një ofensivë të gjatë dhe të vështirë tokësore në Gaza së shpejti.

"Do të duhet një kohë e gjatë" për të çmontuar rrjetin e gjerë të tuneleve të Hamasit, tha ai, duke shtuar se pret një fazë të gjatë luftimesh me intensitet më të ulët, ndërsa Izraeli shkatërron "xhepat e rezistencës".

Komentet e tij paralajmëruan një periudhë të re potencialisht rraskapitëse dhe të hapur të luftës, pas tre javë bombardimesh të pandërprera. Izraeli ka thënë se synon t’i jap fund sundimit të Hamasit në Gaza dhe aftësisë së tij për të kërcënuar Izraelin. Por, si do të matet disfata e Hamasit dhe si do të përfundojë loja e një pushtimi mbetet e paqartë. Izraeli thotë se nuk ka ndërmend të sundojë territorin e vogël.

Në Uashington, Pentagoni tha se Sekretari amerikan i Mbrojtjes Lloyd Austin, foli me ministrin Gallant të premten dhe "theksoi rëndësinë e mbrojtjes së civilëve gjatë operacioneve të Forcave të Mbrojtjes të Izraelit dhe përqendrimin në urgjencën e dërgimit të ndihmave humanitare për civilët në Gaza". Pentagoni tha se sekretari Austin theksoi gjithashtu "nevojën që Hamasi të lirojë të gjithë pengjet".

Konflikti kërcënon të nxisë një luftë më të gjerë në të gjithë rajonin. Kombet arabe, përfshirë aleatët e SHBA-së dhe ata që kanë arritur marrëveshje paqeje ose marrëdhënie të normalizuara me Izraelin, kanë ngritur alarmin në rritje për një pushtim të mundshëm tokësor, që ka të ngjarë të shkaktojë edhe më shumë viktima mes luftimeve urbane.

Shumë prej të bllokuarve në Gaza nuk u mbeti zgjidhje tjetër veçse të presin në shtëpitë e tyre ose të kërkojnë sigurinë relative në shkolla dhe spitale, ndërsa Izraeli zgjeroi bombardimet e tij të shtunën./VOA

Hamasi nuk ka dhënë asnjë indikacion se “dëshiron ose do t’u bindet thirrjeve për një armëpushim”, sipas Sekretarit të Jashtëm. James Cleverly u bëri thirrje gjithashtu mbështetësve pro-palestinezë që demonstruan në rrugët britanike gjatë fundjavës që të jenë “të vetëdijshëm për dezinformimin dhe manipulimin” pas raportimeve që Irani po përpiqet të përdorë mitingjet për t’i përçarë.

Deklarata e ministrit vjen pasi ushtria izraelite vazhdoi të zgjerojë operacionin e saj tokësor në Gaza si pjesë e hakmarrjes së saj të vazhdueshme kundër sulmeve vdekjeprurëse të Hamasit tre javë më parë që shkaktuan 1.400 viktima, kryesisht civilë.

“Ne kemi kërkuar vazhdimisht të bëjmë pauza për të lehtësuar kalimin e brendshëm të ndihmës humanitare që po ofrojmë dhe lirimin e pengjeve dhe evakuimin e shtetasve britanikë në Gaza, kështu që ky ka qenë qëndrimi ynë që nga fillimi.

“Sigurisht që ne duanm që kjo çështje të zgjidhet, ne duam ta shohim Izraelin të sigurt dhe në paqe.

“Por, ende, nuk kam parë apo dëgjuar asgjë nga Hamasi që të më jepte ndonjë besim se ata dëshirojnë ose do t’u binden thirrjeve për një armëpushim”, tha ai.

Cleverly përsëriti qëndrimin e qeverisë se Izraeli ka të drejtë të mbrohet pas sulmit të Hamasit më 7 tetor.

Agjencia për shëndetësi e Kombeve të Bashkuara dhe grupe të tjera të ndihmës thanë më 28 tetor se nuk janë në gjendje të komunikojnë me ekipet e tyre në Rripin e rrethuar të Gazës, përderisa po vazhdojnë bombardimet izraelite dhe sulmet tokësore.

Kreu i Organizatës Botërore të Shëndetësisë (OBSH), Tedros Adhanom, tha se ndërprerja e linjave të komunikimit në Gazë e ka bërë “të pamundur që ambulancat të shkojnë te të plagosurit”.

“Ne vazhdojmë të mos kemi kontakt me stafin tonë dhe me ndërtesat shëndetësore. Jemi të shqetësuar për sigurinë e tyre”, shkroi ai në X, që më herët njihej si Twitter.

UNWRA, agjencia e OKB-së për refugjatë njoftoi se deri të premten, 58 anëtarë të stafit të saj janë vrarë nga sulmet izraelite në Gazë.

Guillemette Thomas, koordinator shëndetësor në territoret palestineze për Mjekët pa Kufi, tha se kjo organizatë nuk po arrin të kontaktojë me ekipin për më shumë se 12 orë.

“Situata është shumë e vështirë”, tha ai për Associated Press. “Ne nuk mund të komunikojmë me ekipin tonë. Nuk e dimë nëse janë të sigurt”.

Në Bregun e pushtuar Perëndimor, dhuna në rritje nga kolonët izraelitë ka detyruar shumë palestinezë, veçmas komunitetet e beduinëve, që të largohen. Zyra e OKB-së për Koordinim të Çështjeve Humanitare në Territoret e Pushtuara tha të premten se dhuna e kolonëve në Bregun Perëndimor ka bërë që të zhvendosen mbi 600 palestinezë, përfshirë 211 fëmijë.

Izraeli tha të shtunën se po bombardon tunelet dhe bunkerët nëntokësor të grupit militant palestinez Hamas në Gazë. Bombardimet kanë shkaktuar ndërprerje të linjave të komunikimit dhe shërbimeve të internetit.

Izraeli është zotuar se do të zhdukë Hamasin, grup që kreu sulme në jug të Izraelit më 7 tetor. Deri më tani, si pasojë e dhunës mbi 7.300 palestinezë janë vrarë në Rripin e Gazës dhe mbi 1.400 izraelitë./REL

Qindra protestues që bënin thirrje për një armëpushim në luftën Izrael-Hamas hynë në Grand Central Terminal në qendër të Manhatanit të premten, në një nga protestat më të mëdha që Nju Jorku ka parë që nga fillimi i konfliktit tre javë më parë. Demonstrata, e organizuar nga Zëri Çifut për Paqe, erdhi pasi Izraeli rriti operacionet e tij ushtarake brenda Gazës.

Protestuesit mbushën stacionin e trenit, duke brohoritur, "Armëpushimi tani" dhe "Le të jetojë Gaza".

Shumica kishin veshur këmisha të zeza që shkruanin "jo në emrin tonë". Një oficer policie vlerësoi se kishte rreth 1000 protestues. Steve Auerbach, një pediatër në qytet, tha se ishte i shqetësuar për fëmijët e kapur në mes të konfliktit.

"Kjo duhet të ndalet," tha ai. “Thirrja për një armëpushim duhet të konsiderohet një pozicion i zakonshëm dhe normativ.”

Pankartat që deklaronin "Palestinezët duhet të jenë të lirë" dhe "Izraelitët kërkojnë armëpushim tani" u shpalosën mbi banderolat e shkallëve në terminal."Unë nuk besoj në këtë luftë," tha Rosalind Petchesky, 81 vjeç, një anëtare e Zërit Çifut për Paqe e cila u arrestua më vonë. Sumaya Awad tha se ajo dëshironte që qeveria amerikane "të ndiqte udhëzimet dhe dëshirat e shumicës së amerikanëve".

“Ne jemi këtu duke u përfshirë në mosbindje civile për ta bërë të qartë se ne duam që bombat të ndalojnë së rëni,” tha ajo.

Protesta ndërpreu udhëtimin e mbrëmjes për mijëra njerëz që përpiqeshin të kthenin trenat në shtëpi të premten në mbrëmje. Udhëtarët kaluan pranë, disa ndaluan, të tjerë dukeshin të hutuar.

Nuk u raportua për vonesa në tren për shkak të protestës.

Policia u përpoq pa sukses të bllokonte hyrjet në Grand Central, më pas qëndroi në këmbë dhe shikoi ndërsa demonstruesit morën grumbullin kryesor.

Nga ora 19:00, me qindra protestues ende në stacion, policia u tha njerëzve të largoheshin dhe filloi të arrestonte dhjetëra.

Menjëherë pas kësaj, M.T.A. njoftoi se nuk do të lejonte askënd të hynte në terminal dhe caktoi dy hyrje si vetëm për dalje. Një organizator vlerësoi se 300 persona u arrestuan, por policia tha se nuk do të publikonte një numër përfundimtar deri pas mesnate.

Ndërsa demonstrata në turmën kryesore u mbyll zyrtarisht, oficerët e policisë përdorën një ashensor për të arritur te dy protestues që qëndronin në një parvaz mbi kabinat e biletave, përpara tabelës së nisjeve.

Ata mbanin një tabelë që thoshte, me të gjitha shkronjat e mëdha, "Kurrë më për askënd".

Ishte gjithnjë e më e vështirë për të arritur njerëzit në Rripin e Gazës ose për të ditur se çfarë po ndodhte në enklavë të premten vonë, pasi Izraeli tha se po shtonte bombardimet e tij dhe po organizonte një inkursion tjetër.

Të premten në mbrëmje, dy rrjetet kryesore celulare palestineze, Jawwal dhe Paltel, thanë se shërbimet e tyre të telefonit dhe të internetit ishin të ndërprera.

Disa palestinezë që kanë arritur të komunikojnë me botën e jashtme thanë se frika dhe paniku po përhapeshin. I kontaktuar nga WhatsApp, Belal Khaled, një fotograf palestinez i pavarur, përshkroi skenën mes banorëve në Spitalin Nasser në Khan Younis, duke thënë: “Njerëzit janë në frikë dhe ata ndjejnë se janë në harresë. Ata nuk e dinë se çfarë po ndodh rreth tyre".

 Pamjet nga brendësia e Gazës në kanalet e mediave sociale të monitoruara nga The New York Times dhe disa shërbime elektronike ishin jashtëzakonisht të kufizuara të premten pasdite. Reuters mbajti një kamerë të drejtpërdrejtë të drejtuar nga ana izraelite e kufirit drejt horizontit të Gazës që tregonte errësirë ​​me një shpërthim të rastësishëm drite.

Kishte pak imazhe të disponueshme të asaj që po ndodhte në terren."Situata është katastrofike tani," tha Tareq Abu Azzoum, një reporter i Al Jazeera, në televizion, duke shtuar se ai po raportonte me satelit. "Ne nuk mund të komunikojmë më me komunitetin ndërkombëtar për të dërguar zërin tonë në botë, për të ditur se çfarë po ndodh në terren."

Komiteti për Mbrojtjen e Gazetarëve, një grup mbikëqyrës, tha se ishte i alarmuar nga raportet për një ndërprerje të komunikimit.

“Ndërsa zyrat e lajmeve humbasin kontaktet me ekipet dhe reporterët e tyre në Gaza, të cilët në mënyrë të pavarur po dëshmojnë për të dhënë informacion rreth zhvillimeve dhe viktimave njerëzore të kësaj lufte, bota po humbet një dritare në realitetin e të gjitha palëve të përfshira në këtë konflikt.” thuhet në një deklaratë.

Gjysmëhëna e Kuqe Palestineze tha se kishte humbur kontaktin me selinë e saj dhe ekipet e saj në Gaza në një postim në mediat sociale, duke shtuar se ishte "thellësisht e shqetësuar" për aftësinë e saj për të vazhduar ofrimin e shërbimeve mjekësore emergjente dhe për aftësinë e banorëve për të thirrur ambulanca. .

Drejtori i përgjithshëm i Organizatës Botërore të Shëndetësisë, Tedros Adhanom Ghebreyesus, gjithashtu tha në një postim në rrjetet sociale se kishte humbur kontaktet me stafin e saj, objektet shëndetësore dhe punonjësit shëndetësorë.

"Ky rrethim më shqetëson shumë për sigurinë e tyre dhe rreziqet e menjëhershme shëndetësore të pacientëve të cenueshëm," tha ai.

Ushtria izraelite të premten në mbrëmje bëri inkursione në Rripin e Gazës pasi nisi një bombardim intensiv në enklavë me artileri dhe raketa të gjuajtura nga avionë luftarakë, thanë zyrtarët ushtarakë izraelitë.

Sulmet erdhën saktësisht tre javë pas bastisjeve ndërkufitare të Hamasit që lanë 1400 të vdekur në Izrael dhe ndezën një luftë rajonale.

Ngjarjet në terren në Gaza ishin të vështira për t'u deshifruar pasi mbrëmja e së premtes vazhdonte për shkak se telefoni celular dhe shërbimi i internetit ishin ndërprerë.

Dy rrjetet kryesore celulare palestineze, Jawwal dhe Paltel, thanë se linjat e tyre të telefonit dhe shërbimet e internetit ishin në ndërprerje pas sulmeve të reja.

Major Nir Dinar, një zëdhënës ushtarak, tha se disa trupa izraelite kishin kaluar kufirin dhe po luftonin brenda Rripit të Gazës, por ai nuk pranoi të thoshte nëse inkursioni ishte fillimi i një pushtimi tokësor në shkallë të plotë, të cilin Izraeli e ka kërcënuar ta nis për javë të tëra.

Për dy ditë, forcat dhe tanket izraelite kanë bërë sulme të vogla në Gaza pa qëndruar.

“Trupat dhe tanket tona janë brenda Rripit të Gazës – ata po qëllojnë dhe po veprojnë”, tha majori Dinar. Ai shtoi: “Por trupat dhe tanket tona ishin brenda Gazës edhe dje”.

Një zyrtar i dytë ushtarak, adm. Daniel Hagari, u tha gazetarëve të premten se forcat tokësore izraelite po "zgjeronin" aktivitetin e tyre në Rripin e Gazës, pa dhënë detaje.

Admirali Hagari tha gjithashtu se avionët luftarakë po synonin "infrastrukturën terroriste" nëntokësore.

Ndërsa Izraeli rriti breshërinë e tij, Asambleja e Përgjithshme e OKB-së në Nju Jork votoi me shumicë dërrmuese në favor të një rezolute jodetyruese që bënte thirrje për një armëpushim të menjëhershëm në luftë.

Rezoluta u prezantua nga një grup kombesh arabe të udhëhequr nga Jordania dhe të bashkë-sponsorizuar nga më shumë se 45 vende.