Së paku 7 vetë janë vrarë nga një eksplodim gjatë një proteste afër ndërtesës së parlamentit provincial në Lahore të Pakistanit, kanë thënë sot zyrtarët.
Zyrtari i policisë lokale, Ali Raza, tha se shpërthimi ka ndodhur kur një person me motoçikletë e ka goditur turmën e qindra farmacistëve, të cilët po protestonin kundër ndryshimeve ligjore për shitjen e ilaçeve.
Agjencia AP ka raportuar se përgjegjësinë për këtë eksplodim e ka marrë një grup i talibanëve.
Policia tha se ende nuk është e qartë se sa njerëz ishin plagosur.
