Një zjarr shpërtheu sot në një qiellgërvishtëse në Dubai, i dyti incident gjatë kësaj jave, njoftoi ”Khaleej Times” online.
Flakët shpërthyen në ”Tiger Tower” në Dubai Marina, sipas një videoja të transmetuar nga gazeta e sipërcituar.
”Pjesa më e madhe e rezidentëve u evakuan pa probleme”, theksoi ”Khaleej Times”.
Shkaku i zjarrit nuk dihet ende.
Dubai, qendër e rëndësishme biznesesh dhe mediash në Emiratet e Bashkuara Arabe, është i famshëm për qiellgërvishtëset e tij.