Arabia Saudite akuzon Iranin për “agresion” - Bota Sot
Arabia Saudite akuzon Iranin për “agresion”

Azia

E diel, 17 dhjetor 2017

Arabia Saudite akuzon Iranin për “agresion”

Më: 7 nëntor 2017 Në ora: 14:00
Princi i Arabisë Saudite, Mohammed bin Salma

Princi i Arabisë Saudite, Mohammed bin Salman, akuzoi Iranin për akt të “agresionit të drejtpërdrejtë ushtarak”, duke furnizuar me raketa rebelët Huthi në Jemen.

“Një gjë e tillë mund të konsiderohet akt i luftës”, i tha princi sekretarit të Jashtëm britanik, Boris Johnson, në një bisedë telefonike.

Të shtunën, Riadi ka qenë shënjestër e një rakete balistike, por ajo është penguar përpara se të arrinte në cak.

Mediat e lidhura me rebelët kanë thënë se Huthit kanë hedhur raketë balistike Burakn H2 në Aeroportin Ndërkombëtar Mbreti Khaled, i cili është rreth 850 kilometra larg kufirit me Jemenin dhe rreth 35 kilometra në verilindje të Riadit.

Arabia Saudite ka thënë se mbrojtja e saj raketore e ka kapur raketën në fluturim, porse copëza të saj kanë rënë brenda zonës së aeroportit. Nuk është raportuar për viktima.

Irani mohon armatosjen e rebelëve Huthi, të cilët luftojnë një koalicion të udhëhequr nga Arabia Saudite. Koalicioni mbështet Qeverinë e Jemenit, përballë rebelëve.

Ministri i Jashtëm i Iranit, Mohammad Javad Zarif, ka thënë të hënën se “luftërat e agresionit” të Arabisë Saudite dhe “ngacmimet e saj rajonale” kërcënojnë Lindjen e Mesme.

Sot mund të lexoni Shfletoni kopertinat
Sondazh
    test