Ministria e Mbrojtjes e Japonisë po planifikon të forcojë mbrojtjen e saj ajrore për të qenë në gjendje të mbrohet nga rreziku që po i paraqitet asaj nga ana e Koresë Veriore, raporton “the Express.uk, përcjell “Bota sot”.
Ministria japoneze e mbrojtjes pritet të kërkojë një buxhet rekord të mbrojtjes prej 34.6 miliardë dollarë për vitin e ardhshëm, pasi tensioneve çdo herë në rritje në Gadishullin Korean.
Shumica e buxhetit pritet të shpenzohet për mbrojtjen e Japonisë kundër armëve bërthamore të Koresë së Veriut dhe për zhvillimin e raketave.
Financimi shtesë do të mbulojë koston e përgatitjeve për futjen e sistemit të interceptorëve të raketave me bazë toke të ushtrisë amerikane Aegis Ashore.
Drafti fillestar i buxhetit të mbrojtjes për vitin fiskal 2018 u përgatit nga Ministria Japoneze e Mbrojtjes në fund të gushtit.
Dokumenti specifikon blerjen e gjashtë avionëve luftarakë F-35A, katër avionë ushtarakë Ttrotroot V-22 Osprey, si dhe ndërtimin e dy anijeve patrulluese të avancuara dhe kompakte dhe një nëndetëse të re.
Ministria e Mbrojtjes gjithashtu shpreson të zhvillojë gjeneratën e ardhshme të sistemeve të radarëve, të cilat do të kishin aftësinë për të zbuluar aeroplanët dhe raketat vjedhurazi.
Ka gjithashtu plane për blerjen e raketave të avancuara për sistemet anti-raketore, duke përfshirë SM-3 Block IIA dhe Interceptorët Patriot PAC-3 MSE.