Një hotel u shemb pas një tërmeti me magnitudë prej 6,4 ballë të shkallës së Rihterit, që goditi sot pjesën lindore të Tajvanit, theksuan autoritetet e ishullit.
“Tërmeti u regjistrua në orën lokale 23:50 rreth 21 kilometra në veriperëndim të portit të Hualien”, theksoi instituti gjeologjik amerikan USGS.
Sipas medias lokale disa ndërtesa janë shembur dhe 30 persona kanë mbetur të bllokuar në hotelin e prekur.
Qeveria tajvaneze, duke cituar shërbimet e zjarrfikësve, shtoi se edhe një hotel tjetër ishte dëmtuar gjithashtu, por pa dhënë informacione për viktima.
