Greqia e ka mposhtur Kosovën me rezultat të thellë 103:44 në kuadër të Grupit C të Kampionatit Evropian U-20, Divizioni B që është duke u zhvilluar në Chalkida të Greqisë. Greqia si superfuqi evropiane e basketbollit është pritur që të triumfoj ndaj Kosovës, e cila vetëm për vitin e dytë radhazi është duke marr pjesë në gara të FIBA-s. Kosova të mërkurën do të ballafaqohet me Irlandën me fillim nga ora 14:15. Nëse Përfaqësuesja jonë ia del të mposhtë Irlandën me 14 pikë epërsi, do të arrij të siguroj vendin e katërt në grup, që e dërgon në fazën tjetër të këtij kampionati.
