Peja nuk ka arritur ta mposhtë liderin e Grupit G, Gaziantep, në palestrën “Karagaçi”, në kuadër të FIBA Europe Cup.
Skuadra vendase e nisi mirë takimin duke e mbyllur çerekun e parë me gjashtë pikë epërsi (21:15).
Në pjesëlojën e dytë, mysafirët shënuan katër pikë më shumë se nikoqirët (20:24) dhe skuadrat shkuan në pushim me rezultat 41-39.
Përsëri edhe në dhjetëminutëshin e tretë, vizitorët realizuan dy pikë më shumë (14:18) duke e mbyllur këtë fraksion me dy pikë epërsi.
Dhe gjithçka u vendos në çerekun e fundit kur skuadra mysafire i doli të ishte fituese (66-76). Pas gjashtë ndeshjesh të zhvilluara në kuadër të kësaj gare, Peja e ka realizuar vetëm një fitore.
