Pas fitores në përballjen direkte, ku Golden State mposhti 99-92 Cleveland, basketbollisti lider i skuadrës kampione të Warriors, Kevin Durant, u shpreh se tashmë është ai “mbreti” i ri i NBA-së. Sipas Durant kolegu i Cavaliers, LeBron James i ka lënë atij stafetën. “Të gjithë më thanë se unë e mposhta LeBron, duke më përgëzuar për lojën, jo vetëm në këtë sfidë por edhe në finalet e play off-it të sezonit të kaluar. Unë i falënderoj të gjithë për fjalët e mira dhe mendoj se sot jam në të njëjtin nivel me LeBron. Ndoshta aftësitë e mia mund të jenë edhe më të mira në të ardhmen”, tha Durant, që është protagonist këtë sezon me Golden State, ku synon titullin e dytë kampion radhazi në NBA.
