Boksieri Haxhi Krasniqi është ballëlart për fitoren dhe që fitoi dy tituj botëror, WBA Inter-Continental dhe titullin vakant WBO Inter-Continental në kategorinë super të mesme.
Ai në meçin e 50-të, jubilar tregoi forcën pas 12 rundeve, duke e mundur kazakun me nënshtetësi gjermane, Jurgen Doberstain. Krasniqi ka shkruar në profilin e tij në facebook: "Bota e çdo kujt është ëndërra e dikurshme, e endërrën e dikurshme nuk ta fal bota por puna, forca e vullneti. është e vështirë të harrosh disa muaj gjithçka tjetër e të jetosh vetëm mes dorëzave e ushtrimeve. Në grushtat e mi ishin gjithë duart e shqiptarëve e grushtova KUQ E ZI...
Kjo fitore është e jona dhe ju dedikojë nga zemra gjithë atyre që marrin frymë SHQIP.
Faleminderit shumë që jeni gjithmonë tifozët më të bekuar dhe frymëzimi im.
Ju premtoj që do luftoj e fitoj deri në momentin e fundit sepse kjo është luftë që e fitojmë të gjithë... Përgjithmonë i juaji R.H.Krasniqi".
