Komiteti Olimpik i Kosovës (KOK) sot ka bërë ndarjen e certifikatave për trajnuesit e boksit. Në kursin teknik për trajnerët e boksit u certifikuan 15 pjesëmarrës për ndjekjen e seminarit për arritjen e një ylli nga "Aiba".
Sekretari i Federatës së Boksit të Kosovës Mehmet Bogujevci vlerësoi lart kursin teknik shtatë ditorë që është mbajtur në Prishtinë, në të cilin ligjëratat i mbajti eksperti ndërkombëtar Mihail Takov.
Edhe Takov ka thënë se kjo është një arritje për Federatën dhe Kosovën, të cilët do të jenë kontribuues për zhvillimin e këtij sporti.
Trajnuesit u ndanë të kënaqur me trajnimin dhe arritjet nga ky kurs.
Kursi për trajnimin e trajnerëve të Federatës së Boksit të Kosovës është organizuar nga Komiteti Olimpik i Kosovës (KOK).