Ndaj ndeshjes së shekullit midis kampionit të UFC Conor McGregor dhe boksierit Floyd Mayweather janë vënë bast 1 milionë dollarë në favor të këtij të fundit.
Sfida do të zhvillohet në Las Vegas dhe ka thyer pritshmëritë e basteve. Boksieri shihet si më favoriti për ta fituar këtë ndeshje.
Personi që ka vendosur bastin me shumën marramendëse është klient i famshëm i kazinosë "MGM" ku do të zhvillohet ndeshja. Fitimet neto të këtij personi nëse Mayweather triumfon do të kapin një shumë prej 182 mijë dollarësh.
Mayweather ndihet shumë i sigurt për fitoren e tij në këtë sfidë.