Tenistja Serena Williams ka treguar barkun e fryrë në një set fotografik të mrekullueshëm.
35-vjeçarja ka pozuar për fotografin e njohur Mario Testino, për revistën “Vogue”. Ndërkohë në njërën nga fotot shihet me një fustan të bardhë Versace.
Ndërsa revista “Forbes” e ka renditur si sportisten më të paguar të vitit. Nga qershori i 2016-s deri në qershorin e vitit 2017, ajo ka fituar 27 milionë dollarë.
Williams ka dominuar tenisin për femra në këto 15 vitet e fundit duke qenë gjithmonë në majat më të larta. Në vitin 2002, kur ishte vetëm 20 vjeç, ajo ishte numri 1 i botës, ndërkohë që në maj të këtij viti që është 35 vjeç ishte numri 1 më e madhe në moshë në historinë e tenisit.
Në gjithë karrierën e saj, Serena ka 23 tituj “Grand Slam” dhe ka fituar 86% të ndeshjeve të zhvilluara.