Marrëdhënia mes tyre është e një natyre të fortë, e kjo jo vetëm për shkak të të njejtit mbiemër, por le ta pranojmë që nuk ndodh shpesh të punosh me motrën në të njejtin ekran televiziv!
Edhe pse Marina tashmë është larguar nga Top Channel, vitet e kaluara sëbashku me Luanën në ambientet e këtij televizioni na kanë bërë të dëgjojmë shpesh mbi lidhjen e ngushtë e dashurinë e ndërsjelltë mes të dyjave. Duke qenë se fotot e dasmës nuk kanë mbaruar ende (a do mbarojnë ndonjëherë?!), Marina ka gjetur rastin t’i dedikojë Luanës pak fjalë, por me shumë emocion.
“Si do ja bëja pa ty në jetën time? Gjithmonë bashkë!”, ka shkruar moderatorja, ndërsa ka publikuar tre imazhe me të motrën gjatë ceremonisë së 10 shtatorit. Shumë pranë njëra-tjetrës, kjo na kujton jo pak herë kur si Marina, ashtu dhe Luana kanë shprehur rëndësinë e të paturit njëra-tjetrën përkrah. Ish-drejtuesja e “Proçesit Sportiv” nuk ka lënë pas as fotot me të ëmën, dy realizime në bardh e zi, në pistën e kërcimit. “Mama ime, e shtrenjta ime…”, ka shkruar ajo për nënën e saj, ndërsa kujtojmë se deri më tani, Luana e profile të tjera në rrjetet sociale kanë publikuar shumë më tepër imazhe se sa vetë Marina e Getoari. Në galeri do të gjeni fotot e plota.
