A u vra zyrtari britanik i naftës nga eko-terroristët? - Bota Sot
A u vra zyrtari britanik i naftës nga eko-terroristët?

Bota

E diel, 31 korrik 2016

A u vra zyrtari britanik i naftës nga eko-terroristët?

Më: 26 tetor 2012 Në ora: 20:34

Vrasja e britanikut Nicholas Mockford, jashtë një restoranti në Belgjikë, ka ngritur shumë pikëpyetje. Zyrtari i një kompanie nafte u qëllua me tre plumba në shpinë dhe kokë, ndërsa gruaja e tij shikonte skenën e tmerruar. Çifti sapo kishte dalë nga restoranti Da Marcello.

Mockford ka vdekur më 14 tetor, por lajmi është përhapur vetëm sot nga mediat. Fillimisht ishte dyshuar se policia belge ka vendosur një terr informativ për ngjarjen, por më pas është mësuar se ka pasur disa media lokale që kanë raportuar.

Mediat britanike raportojnë se policia e Belgjikës po heton nëse vrasësi ka qenë i lidhur me grupe eko- terroriste.

60 vjeçari ishte zyrtar i kompanisë ExxonMobil, gjigandit të naftës, që akuzohet nga aktivistët ambientalistë për praktika skandaloze në Nigeri dhe Afganistan.

Policia belge thotë se ky është një rast i çuditshëm. Por praktika e punës nuk ua lejon atyre të bëjnë komente të mëtejshme.

Kompania ExxonMobil thotë se vrasja nuk ka lidhje me punën që bënte ai.

Ndërkohë e shoqja thotë se vrasësit i kërkuan atij çelësat e makinës përpara se ta qëllonin.

Komentet
comments powered by Disqus
Sot mund të lexoni Shfletoni kopertinat
Sondazh Çfarë tenton të arrijë Thaçi me përuljen që bëri para lapidarit të serbëve në Grackë të Lipjanit?

    Kërkon të “blejë" paqe me Serbinë

    Të heqë akuzat që janë përfolur ndaj tij

    Të mohoj gjenocidin serbë në Kosovë

    Të duket i mirë para ndërkombëtarëve

    Shiko rezultatet
test