LIVE: Humbje të mëdha, lufta merr një kthesë të papritur – BE jep ‘lajmin e mirë’ për Ukrainën!

Ky është suksesi i parë i Ukrainës në atë front, që kur nisi kundërofensivën e saj në fillim të këtij muaji.

Një zyrtar i emëruar nga Rusia pranoi të dielën se Ukraina kishte rimarrë një fshat në rajonin jugor të Zaporizhzhia, suksesi i saj i parë në atë front që kur nisi kundërofensivën e saj në fillim të këtij muaji.

Zyrtari Vladimir Rogov tha se forcat ukrainase kishin kapur vendbanimin Piatikhatko dhe po avancojnë atje ndërsa ishin nën zjarr nga artileria ruse.

Ofensivat “valë të armikut kanë dhënë rezultate, pavarësisht humbjeve të mëdha, luftimet e ashpra vazhdojnë në zonë”, tha Rogov në aplikacionin Telegram.

BE-ja po përshpejton dërgesat e armëve në Ukrainë për të mbështetur kundërsulmin e saj, tha shefi i industrisë së BE-së Thierry Breton.

Ai tha se BE do të rrisë përpjekjet e saj, duke u zotuar se 1 milion armë të kalibrit të lartë duhet të sigurohen brenda vitit të ardhshëm.

“Ne do të shtojmë përpjekjet tona për të ofruar armë dhe municione, kjo është një luftë me intensitet të lartë në të cilën ato luajnë një rol vendimtar,” tha Breton.

“Ne po përgatitemi që  lufta mund të zgjasë edhe disa muaj, apo edhe më gjatë”, shtoi ai.

Shtabi i Përgjithshëm i ushtrisë ukrainase tha se luftime të ashpra janë zhvilluar ditën e kaluar në Bahmut, Liman, Avdijivka dhe Marjinka në Donjeck. Ai raportoi për 26 përleshje të armatosura në këtë zonë.

Ushtria ukrainase tha po ashtu se forcat ruse gjatë 17 qershorit kanë kryer mbi 40 sulme ajrore dhe 51 sulme me raketa.

“Gjatë 24 orëve të fundit, armiku ka kryer 43 sulme ajrore, 51 me raketa ndaj pozicioneve të trupave tanë dhe ndaj zonave të banuara”, tha ushtria.

Ndaras, guvernatori rajonal, Serhiy Lysol, tha se ushtria ruse ka sulmuar gjatë natës rajonin jugor të Dnipropetrovskit me dy dronë Shahed, të prodhimit iranian. Ai tha se forcat ukrainase kanë shkatërruar dronët.

Ministria e Mbrojtjes së Britanisë tha se për shkak të luftimeve të ashpra në Zaporizhja Oblast, në perëndim të Donjeckut dhe përreth Bahmutit, si Rusia, ashtu edhe Ukraina po pësojnë humbje të mëdha në njerëz. Humbjet e Rusisë me gjasë janë në nivelet më të larta që nga piku i arritur gjatë betejës për Bahmutin në mars, tha ministria britanike.

Ndërkaq, zyrtarët ukrainas thanë se numri i viktimave nga shkatërrimi i digës Kahovkla më 6 qershor është rritur. Edhe 29 persona raportohet se kanë vdekur si rezultat i vërshimeve të shkaktuara nga shkatërrimi i digës në territoret e pushtuara nga Moska.

Mbi 3.600 persona janë evakuuar nga zonat e vërshuara në rajonin e Hersonit dhe Mikolajivit, ndërkaq 31 persona vazhdojnë të jenë të zhdukur, tha Ministria e Brendshme e Ukrainës.

Kievi e ka akuzuar Moskën se ka vendosur mina në digë dhe qëllimisht e shkatërruar atë për të vërshuar rajonin e Hersonit, me qëllim të ngadalësimit të kundërofensivës së trupave të Ukrainës.

Gazeta amerikane, New York Times, raportoi se provat sugjerojnë se shkatërrimi i digës është bërë nga Rusia./REL

Sipas autoriteteve britanike, Rusia dhe Ukraina po përballen me një numër të lartë të ushtarëve të vrarë, ndërsa forcat e Kievit, përmes një kundërofensive, po përpiqen të çlirojnë zonat e pushtuara nga forcat e Kremlinit.

Ndërkohë, një plan paqeje i prezantuar nga udhëheqësit e shtatë vendeve afrikane, me qëllimin për t’i dhënë fund luftës gati 16 mujore, u refuzua të premten nga Presidenti rus Vladimir Putin, një ditë pasi I njëjti u refuzua nga Presidenti ukraianas Volodymyr Zelenskyy.

Rusia mund të jetë duke u përballur me humbjet më të larta që nga kulmi i betejës për Bakhmutin në mars, vlerësuan zyrtarët e Britanisë, në një raport të përditësuar mbi fazat e para të kundërofensivës së ushtrisë ukrainase.

Sipas raportit britanik, luftimet më të ashpra po zhvillohen në provincën juglindore të Zaporizhias, rreth Bakhmutit dhe në provincën lindore të Donetskut.

Raporti thotë se Ukraina shënoi përparime të vogla në këto zona, ndërsa forcat ruse po kryejnë operacione mbrojtëse, relativisht efektive, në jug të Ukrainës.

Kievi njoftoi sot se gjatë 24 orëve të fundit, Rusia kreu 43 sulme ajrore dhe 55 sulme tjera me raketa.

Guvernatori i Donetskut, Pavlo Kyryleno tha se dy civilë u vranë dhe tre të tjerë u plagosën.

Një civil u vra dhe katër të tjerë u plagosën në provincën e Khresonit, ndërsa në Zaporizhia u plagos një person pas sulmeve ruse në 20 vendbanime.

Vladimir Rogov, zyrtar i administratës së emëruar nga Moska në rajonin pjesërisht të pushtuar të Zaporizhias, tha sot se forcat ukrainase morën kontrollin e fshatit Piatikhatki.

Forcat ukrainase njoftohet se shkatërruan një depo të rëndësishme municioni pranë qytetit port të pushtuar nga Rusia, Heniçesk.

Sipas analistëve perëndimorë, kundërofensiva e Ukrainës me armët e përparauara të perëndimit, përgjatë vijës frontale prej 1 mijë kilometrash, mund të zgjasë.

Një nismë paqeje e shtatë vendeve afrikane nuk dha shenja përparimi.

Përpjekja e udhëheqësve afrikanë për t’i dhënë fund luftës gati 16 mujore u refuzua nga Presidenti rus Vladimir Putin, një ditë pasi plani u u cilësua si i pazbatueshëm edhe nga Presidenti ukrainas Volodymyr Zelenskyy.

Presidenti ukrainas tha se çdo bisedë paqeje duhet të ketë si parakusht tërheqjen e forcave të Moskës nga territoret e pushtuara ukrainase, diçka që Rusia thotë se është e panegociueshme.

Ndërkohë, numri i të vdekurve nga përmbytjet si pasojë e shkatërrimit të digës në Kakhovka është rritur.

Ministria e Brendshme ukrainase tha se numri i viktimave në territoret e kontrolluara nga Kievi është 16, ndërsa zyrtarët rusë thanë se 29 persona vdiqën në territoret e kontrolluara nga Moska.

Rusia dhe Ukraina akuzojnë njëra tjetrën për shkatërrimin e digës më 6 qershor./VOA

Granatimet ukrainase kanë vrarë dy fshatarë në Zaporizhzhia, kanë raportuar agjencitë ruse, përcjell Bota sot.

Duke cituar një përfaqësues të paidentifikuar të shërbimit të urgjencës, agjencitë shtetërore të lajmeve RIA dhe TASS thanë se një fëmijë është plagosur gjithashtu pasi tre predha ranë në fshatin Zelenopol.

Agjencia Interfax i përshkroi të vdekurit si fshatarë.

Forcat ukrainase shkatërruan një depo "të rëndësishme" municionesh pranë qytetit port të pushtuar nga Rusia të Henichesk në rajonin jugor të Khersonit, kanë thënë autoritetet e saj.

Serhiy Bratchuk, zëdhënës i administratës ushtarake të Odesës, tha në një video-mesazh këtë mëngjes: "Forcat tona të armatosura dhanë një goditje të mirë në mëngjes - dhe një shumë të fortë - në fshatin Rykove, rrethi Henichesk, në territorin e pushtuar përkohësisht të rajonit Kherson.

“Ishte një depo municioni shumë domethënëse, ishte shkatërruar."

Reuters nuk mundi të verifikonte në mënyrë të pavarur informacionin.

Nuk ka pasur asnjë koment të menjëhershëm nga Rusia për pretendimet.

Presidenti rus, Vladimir Putin, u takua ditën e djeshme me homologun e tij nga Afrika e Jugut, Cyril Ramaphosa.

BBC raporton se presidenti afrikan i ka kërkuar Putinit që të ndalojë luftën në Ukrainë.

Komentet e zotit Ramaphosa për luftën në Ukrainë vijnë pas takimit të tij me Putinin në Shën Petersburg. Takimi u zhvillua në kuadër të një misioni paqeje me gjashtë vende të tjera afrikane.

Kujtojmë se presidenti ukrainas, Volodymyr Zelensky i tha delegacionit të premten se ai nuk do të hynte në bisedime me Rusinë derisa ata të largoheshin nga toka ukrainase.

Putini pretendon se Ukraina ka refuzuar bisedimet. Ramaphosa gjithashtu bëri thirrje që të dyja palët të kthejnë robërit e tyre të luftës.

Delegacioni afrikan, i përbërë nga përfaqësues nga Afrika e Jugut, Egjipti, Senegali, Kongo-Brazzavili, Komoret, Zambia dhe Uganda është krijuar posaçërisht për ekuilibrin, me anëtarë nga pjesë të ndryshme të Afrikës me pikëpamje të ndryshme për konfliktin.

Afrika e Jugut dhe Uganda shihen si të prirura drejt Rusisë, ndërsa Zambia dhe Komoret janë më afër Perëndimit. Egjipti, Senegali dhe Kongo-Brazzaville kanë mbetur kryesisht neutrale. Vendet afrikane e kanë parë kryesisht konfliktin një konfrontim midis Rusisë dhe Perëndimit.

Dëshmitë sugjerojnë se diga Kakhovka që shkaktoi përmbytje të mëdha në Ukrainë u shkatërrua nga Rusia, raportoi gazeta amerikane New York Times.

Duke cituar inxhinierë dhe ekspertë, gazeta raportoi të premten se ka prova që një ngarkesë shpërthyese ishte vendosur në një vendkalim përmes bazës së betonit.

“Dëshmitë sugjerojnë qartë se diga u gjymtua nga një shpërthim i shkaktuar nga pala që e kontrollon atë: Rusia,” thuhet në artikull. Kremlini akuzon Kievin për sabotimin e digës hidroelektrike për të ndërprerë një burim kyç të ujit për Krimenë dhe për të shkëputur vëmendjen nga kundërofensiva ukrainase.

Lexo edhe: Rusia përballet me një skenar të ri në rajonin e Baltikut – Biden ‘merret’ me Rusinë: Krejtësisht e papërgjegjshme

Nga ana tjetër, Ukraina e ka drejtuar gishtin tek Rusia për shkatërrimin e digës, nën kontrollin rus që nga ditët e para të pushtimit të saj në 2022, duke shkaktuar përmbytje në një zonë të madhe të fushëbetejës, duke shkatërruar tokat bujqësore dhe duke ndërprerë furnizimin me ujë për qytetarët në atë zonë.

Zyrtarë nga më shumë se 60 vende dhe qindra krerë të kompanive të mëdha botërore, do të takohen në Londër javën e ardhshme për Konferencën e dytë Ndërkombëtare për Rindërtimin e Ukrainës, ka njoftuar qeveria britanike.

“Rindërtimi i ekonomisë ukrainase është po aq i rëndësishëm sa strategjia ushtarake”, njoftoi Downing Street të shtunën.

Konferenca do të mbahet të mërkurën dhe të enjten. Presidenti ukrainas Volodymyr Zelensky do të marrë pjesë përmes video lidhjes.

“Trimëria e Ukrainës në fushën e betejës duhet të shkojë paralelisht me vizionin e sektorit privat për të ndihmuar vendin të rindërtohet dhe rimëkëmbet”, tha qeveria britanike.

Konferenca e Londrës për rindërtimin e Ukrainës, në të cilën do të marrin pjesë edhe organizata joqeveritare, është e dyta që nga fillimi i luftës, pas asaj të vitit të kaluar në Lugano të Zvicrës.

Presidentja e Komisionit Evropian, Ursula von der Leyen, Sekretari amerikan i Shtetit, Antony Blinken dhe ministrja e Jashtme franceze, Catherine Colonna pritet të jenë mes liderëve politikë.

Më shumë se një vit që nga fillimi i luftës, Banka Botërore ka vlerësuar se Ukrainës aktualisht i duhen 14 miliardë dollarë për të riparuar dëmet materiale të shkaktuara nga lufta.

Por rimëkëmbja e ekonomisë së vendit do të kushtojë 441 miliardë dollarë sipas një studimi të fundit nga Banka Botërore, OKB, Bashkimi Evropian dhe qeveria e Ukrainës. Kjo shumë pritet të rritet me zvarritjen e luftës.