Presidentja Atifete Jahjaga ka dërguar një telegram urimi Papës Françesku i Parë, me rastin e zgjedhjes së tij në krye të Selisë së Shenjtë.
"I nderuari Ati i Shenjtë, Françesku i Parë, ju përgëzoj në misionin Tuaj të shenjtë në promovimin e besimit në njeriun, të paqes shpirtërore dhe barazisë ndërmjet njerëzve, në promovimin e solidaritetit dhe mirëkuptimit në mbarë botën", thuhet ndër të tjera në urimin e zonjës Jahjaga.
"Ju lutem, Shenjtëria Juaj, pranoni konsideratat e mia më të larta dhe të luteni për Kosovën dhe qytetarët e saj", thuhet në telegram.