Papa Françesku është paraqitur para më shumë se 100,000 njerëzve në Sheshin e Shën Pjetrit në Romë, për lutjen e tij të parë engjëllore.
Kreu i Kishës Katolike i është drejtuar masës nga dritarja e apartamentit të papatit, i cili qëndron sipër sheshit.
Ndryshe nga tradita, Papa nuk ka lexuar fjalimin e shkruar, por ka folur spontanisht për fuqinë e Zotit për të falur.
Kjo ka qenë lutja e parë engjëllore e Françeskut prejse është zgjedhur në krye të Selisë së Shenjtë, më 13 mars.
Në këtë detyrë, ai pason Benediktin XVI, i cili muajin e kaluar ka hequr dorë nga detyrat e papatit.
Menjëherë pas adresimit të sotëm, Françesku ka bërë cicërimën e parë në Twitter, në cilësinë e papës, duke shkruar:
“Të dashkur miq, ju falënderoj nga zemra dhe ju kërkoj të vazhdoni të luteni për mua. Papa Françesku”.
