Kryeministri i Turqisë Binali Yildirim ka deklaruar se ura e Bosforit në të ardhmen do të mbajë emrin “Ura e dëshmorëve”.
Ashtu do të quhet për nder të civilëve që kanë humbur jetën duke rezistuar gjatë tentimit të dështuar të grusht shtetit të 15 korrik.
Vendimi për ndryshimin e emrit të urës është marrë sot në mbledhjen e Qeverisë, raporton Asociated Press.
Yildirim ka thënë se edhe në Ankara dhe Stamboll do të ngriten përmendore në nderim të civilëve të vrarë gjatë pucit ushtarak ku u vranë 200 njerëz,
Ura e Bosforit është njëra nga dy urat e mëdha në Stamboll ku ndahet pjesa e qytetit evropiane dhe aziatike.
