Një çerekshekulli pas përfundimit të Luftës së Ftohtë gara për armatime është rritur ndjeshëm. Në këtë përfundim ka ardhur instituti suedez për paqe, Sipri. Në pesë vitet e fundit shpenzimet ushtarake kanë qenë më të larta prej 1990. Volumi i shpenzimeve në intervalin 2012-2016 ka qenë për 8.4 përqind më shumë sesa 2007-2011, përcjell botasot.info.
Eksportuesit më të mëdhej sipas Sipri janë SHBA dhe Rusia, që sëbashku sundojnë 56 përqind të tregut, ndjekur nga Kina me 6.2 përqind. Eksportet gjermane në pesë vitet e fundit janë zvogëluar për 36 përqind, por ndodhet në vendin e pestë me 5.6 përqind, menjëherë pas Franzës me 6 përqind.
Importuesi më i madh: India
“SHBA furnziojnë me armatime sëpaku njëqind vete - dukshëm më shumë se çdo eksportues tjetër,” tha Aude Fleurant, drejtori i institutit suedez. Rusia eksporton 23 përqind të armëve botërore dhe atë kryesisht në vende si India, Vietnami, Kina dhe Algjeria.
Importuesi më i madh është fuqia atomike, India, me 13 përqind të tregut global. Rritja të madhe të importeve kanë shënuar vendet e Lindjes së Mesme, Arabia Saudite dhe Katari me 212 dhe 245 përqind respektivisht në katër vitet e fundit.
Rritje të importeve ka shënuar edhe Vietnami, i cili nga vendi i 29 para një viti tash është ngritur në vendin e dhjetë. /Bota sot/