Sekretari amerikan i shtetit, Rex Tillerson, thotë se aksioni ushtarak është “opsion në tavolinë” nëse kërcënimi nga Koreja Veriore rritet.
Mëtutje, duke folur sot në Seul të Koresë Jugore, zoti Tillerson theksoi se politika e “durimit strategjik” ka përfunduar dhe Uashingtoni po i shqyrton në varg masash të reja diplomatike, ekonomike dhe ushtarake kundër Phenianit, për shkak të programit atomik dhe atij të raketave balistike.
Ai e ka mbrojtur vendosjen e sistemit raketor mbrotjës të Shteteve të Bashkuara në Korenë Jugore, lëvizje kjo që e ka zemëruar Kinën dhe Korenë Veriore.
Rex Tillerson tha se Uashigntoni nuk dëshiron konflikt ushtarak, por aksionet e Koresë Veriore i kanë kërcënuar fqinjët e saj dhe Shtetet e Bashkuara do të “përgjigjen në mënyrë adekuate”.
Këto komente, zoti Tillerson i ka bërë pas vizitës në zonën e demilitarizuar, që i ndanë dy Koretë.
