Policia në Guatemala ka arrestuar liderin e bandës famëkeqe Mara Salvatrucha, e njohur edhe si MS-13, njofton BBC.
Policia ka njoftuar se Angel Gabriel Reyes Marroquin, i njohur si Blanco (I bardhi), është kapur në qytetin e Chimaltenango, 50 kilometra larg kryeqytetit Guatemala City.
Ai po kërkohej intensivisht qysh prej dy muajsh pas një sulmi me armë në një spital.
Banda MS-13 ka rrjetë ndërkombëtar dhe është e lidhur edhe me vrasjen e dy vajzave në New York këtë vit.
MS-13 besohet ta ketë bazën e vet kryesore në Los Angeles, ndërsa ka reputacion si një grup kriminal tejet i dhunshëm.
Një specialist i FBI-së që e ka hetuar MS-13 thotë se motoja e tyre është “vrit, dhuno, kontrollo”.
Blanco kërkohej prej kohësh, ndërsa akuzohet se është i lidhur me vrasjen e rreth 300 personave.
