Xherdan Shaqiri, ylli shqiptar, të premten ngriti në këmbë miliona shqiptarë e zviceranë me golin e tij në minutën e fundit, gol me të cilin i siguroi Zvicrës fitoren ndaj Serbisë në kuadër të Kampionatit Botëror që po mbahet hë Rusi.
Por, festimi i golave duke bërë shqiponjën, ka bërë që FIFA të nisë një hetim ndaj tij dhe Granit Xhakës, gjoja se festimi i tyre kishte edhe mesazhe politike.
Përderisa FIFA ka nisur hetimin, Xherdan Shaqiri, përmes një foto të postuar në llogarinë e tij në Instagram, ka bërë të ditur edhe njëherë arsyet pse ai do ta bartë flamurin e Kosovës në këpucët e tij gjatë kampionatit botëror në Rusi.
“Kur të hyj në fushë në Kampionatin Botëror 2018, do ta kem edhe flamurin e Zvicrës edhe atë të Kosovës në këpucët e mia. Jo për arsye politike apo diçka të ngjashme. Por, sepse flamujt rrëfejnë tregimin e jetës sime. Prandaj mos u shqetësoni, flamuri i Zvicrës është në këmbën time të majtë”, ka thënë Shaqiri në postimin e shpërndarë në InstaStory, përcjellë “Bota sot”.