Të gjitha grupet kanë zhvilluar nga dy ndeshje deri më tani në Kampionatin Botëror.
Sot nis xhiroja e tretë dhe e fundit në fazën e grupeve të Botërorit, derisa në dy raundet e para kemi qenë dëshmitar të shumë ndeshjeve interesante.
Harry Kane që realizoi het-trik në ndeshjen ndaj Panamasë, prin si golashënuesi më i mirë me pesë gola, pasi edhe në ndeshjen e parë ndaj Tunizisë kishte shënuar dy herë.
Vendi i dytë ndahet nga Romelu Lukaku i Belgjikës dhe Cristiano Ronaldo i Portugalisë, që kanë nga katër gola secili.
Kurse nga tre gola deri më tani numërojnë, Denis Cheryshev i Rusisë dhe Diego Costa i Spanjës.
Befasia e madhe është Leo Messi, i cili pas dy ndeshjeve të para nuk ka mundur të realizojë asnjë gol, ku madje edhe ka humbur një penallti.