Bota e çiklizmit është shokuar nga lajmi se 23-vjeçari belg Michael Goolaerts ka ndërruar jetë në spitalin e Lilles, pak orë pasi pësoi një atak kardiak gjatë garës klasike Paris-Roubaix (edicioni i 116-të), një nga klasiket e sportit të biçikletës. Në kohën që çiklistët garon në një nga rrugët klasike të kësaj gare, atë mbi kalldrëm, çiklisti i ekipit Veranda Willems u rrëzua në tokë.
Mësohet se Goolaerts pësoi një atak kardiak gjatë garës dhe në rrugë iu dha ndihma e parë nga stafi mjekësor, që i bëri edhe një masazh kardiak. Më pas, ai u nis me urgjencë me helikopter në spital, por nuk ia doli të mbijetojë. Ndërkohë, policia franceze ka hapur një hetim për të zbardhur çështjen.