Nga një aksident rrugor ndodhur të hënën, sot, në qytetin austriak Salzburg, kanë mbetur të plagosur së paku shtatë persona, shkruan agjencia e lajmeve APA. Në aksident janë përfshirë tre vetura, dy prej të cilave me targa të Kosovës.
“Aksidenti kishte ndodhur kur vetura e tretë kishte shkuar pak në të majtë, duke goditur frontalisht dy veturat nga Kosova, të cilat qëndronin afër njëra-tjetrës,” përcjell botasot.info.
Ngjarja është raportuar rreth orës 12.50, ndërsa të plagosurit nga Kosova janë të afërm me njëri-tjetrin, që udhëtonin për pushime drejt Gjermanisë. Të shtatë të plagosurit janë marrë nën kujdesin e Kryqit të Kuq./Bota sot