Me 23.11.2017 dëshira e shqiptarëve të Poreçit po bëhet realitet, truporja e Shën Terezës, simbolit të humanizmit dhe dashurisë së Kombit tonë do të vendoset ne njërin nga sheshet më të bukura të qytetit. Me iniciativën e aktivistëve shqiptarë z. Idris Sulejmani, z. Marijan Bisaku, z. Vilson Bisaku, z. Robert Daka, don Rikard Lekaj si dhe përkrahjen e të gjithë shqiptarëve të Poreçit që 2015 filluan përgaditjet për vendosjen e trupores së nënë Terezës në Poreç.
Ky manifestim të cilin e organizojnë Shoqatat Shqiptare në Istër do te zgjasë 2 ditë:
22.11.2017 në ora 19.00 - në katedralen e Pullës do të mirëpritet martiri i gjallë shqiptar, Kardinali Ernest Simon Troshani.
Rrëfimin e jetës së tij martire kanë mundësi ta dëgjojnë të gjithë njerëzit e vullnetit të mirë.
23.11.2017 CEREMONIA E VENDOSJES DHE BEKIMIT Të TRUPORES Së SHëN TEREZëS
10.30 – Hapja e ceremonisë dhe fjalët përshëndetëse të mysafirëve
12.00 – Mesha e shenjtë në Bazilikën e Poreçit
13.00 – Shpalosja dhe bekimi i trupores së Shën Terezës
Përveq përkrahjes masive të shqiptarëve në tërë Istrën, kjo ceremoni do të mbledhë edhe mysafirë nga të gjitha trojet shqiptare: Shqipëria, Kosova, Maqedonia, Mali i Zi, Lugina e Preshevës, Çamëria dhe Dijaspora!
Me 23.11.2017 në Poreç të Kroacisë do të kemi të gjithë shqiptarët të bashkuar!
