Andrew Taylor nuk ka ngrënë asgjë tjetër përveç patateve. Në këtë sfidë ka vendosur për shkak se donte që të humbte peshë dhe, thotë ai, për të ndryshuar marrëdhëniet jo të shëndosha ndaj ushqimit.
Për këtë ai u kritikua ashpër. Shumë thanë se ka qasje të pashëndetshme në dietë, ndërsa të tjerët dyshonin se mund të durojë 12 muaj me meny të tillë të thjeshtë.
Megjithatë, australiani ka përmbushur misionin e tij.
Më 1 janar u betua se deri në vitin e ardhshëm nuk do të hajë asgjë, përveç patateve, dhe ka humbur prej asaj kohe mbi 50 kilogramë.
"Kam qenë në depresion klinik në vitin e kaluar dhe ushqimi me patate më ka ndihmuar shumë", tha ai për news.com.au.
"Nuk marrë ndonjë ilaq kundër depresionit dhe tani ndihem i shëruar plotësisht. Bile edhe po flej më mirë".
Taylor nga Melbourne, pranoi që ishte i varur nga ushqimi. Ai i kalonte ditët duke pirë lëngje të gazuara dhe ushqime të fërguara, akullore, ëmbëlsira, pasta dhe pica.
"Kuptova se varësisa në ushqim është e njëjtë ashtu si çdo varësi tjetër. Kur ju jeni në varshmëri alkoolike, lëreni alkoolin. Kur jeni të varur nga droga, lëreni drogën. Por ushqimin nuk mund t’a lësh në tërësi, kështu që kam vendosur të zgjedhë një ushqim që unë t’a ha. Mendova se patatja është zgjidhja më e mirë".
Andrew thotë se ky ushqim i ofron trupit çdo gjë që ka nevojë, për shkak se është i pasur me karbohidrate, proteina, yndyrna, fibra, vitaminë C, hekur ...
Në dy javët e para të këtij regjimi të pazakontë e kishte shumë vështirë, por më pas pushoi ngarendja e tij për ushqim.
Gjatë një ditë ai ka hëngër tre deri në katër kilogramë patate, sepse ai nuk ka e ka lejuar veten të jetë i uritur, në mënyrë që të mos kthehet në ushqime të tjera.
Ai gjithashtu arriti të mbajë jetën sociale.
Taylor përgatitet që me 1 janar, të hajë ushqimin e parë të vërtetë pas një viti të sakrificave, por ai thotë se nuk ka më uri për ushqime të tjera. Është I lumtur me patate.
Kur ai e filloi në këtë sfidë, kishte 151.7 kikogramë, ndërsa tani i ka 99.
"Shëndeti im po bëhet më mirë. Kam pasur kolesterol të lartë, por tani është normal. Më ka rënë edhe presioni i gjakut dhe niveli i sheqerit në gjak".
Ekspertët e ushqimit e paralajmëronin se një regjim i tillë do të dëmtojë shëndetin tij, sepse nuk do të ketë gjithë spektrin e vitaminave dhe mineraleve. Megjithatë, Taylor thotë se kjo nuk u vërtetua.
"Njerëzit mendojnë se ajo që bëj unë është ekstreme. Unë vetëm dua të them se ekstreme është kesh 151.7 kilogramë. Të jesh mbi peshë, i sëmurë dhe në depresion – ky është ekstremi dhe unë mendoj se të dëshpëruarit kanë nevojë për masa drastike", tha ai
