Për vitin 2016, kreditë me probleme në vendin tonë shënuan nivelin 20% , në një kohë kur vendet e tjera të rajonit arritën rezultate shumë më të mira në uljen e këtij treguesi.
Sipas të dhënave krahasuese të Bankës Botërore, Shqipëria dhe Serbia janë vendet ku raporti i kredive me probleme është respektivisht 20% dhe 29% ndërkohë që rënia e këtij treguesi është shumë e ngadaltë në raport me pjesën tjetër të rajonit.
Sipas BB nivelin më të ulët e mban Kosova, me 6.2%. Ndërkohë që Shqipëria arriti disa rezultate pozitive në dy vitet e fundit, kryesisht falë pastrimit të portofoleve nga kreditë e klasifikuara prej vitesh si të humbura, por, ulja e kredive me probleme ngelet e ngadaltë.
Bankat ende kanë pakënaqësi me procesin ligjor të mbledhjes së borxheve, të cilin e vlerësojnë ende të ngadaltë dhe problematik.
Raporti i kredive me probleme në rajon
Serbi 20.9
Shqipëri 20
Bosnje 12.1
Mali i Zi 10.2
Maqedoni 7.2
Kosovë 6.2.
