Ekonomia ndan shqiptarët. Shkëmbimet, më të ulëta sesa në vitin 2012 - Bota Sot
Ekonomia ndan shqiptarët. Shkëmbimet, më të ulëta sesa në vitin 2012

Ekonomi

E diel, 17 dhjetor 2017

Ekonomia ndan shqiptarët. Shkëmbimet, më të ulëta sesa në vitin 2012

Më: 28 nëntor 2017 Në ora: 20:13
Shkëmbimet

Në vitin 2014, qeveritë e Shqipërisë dhe Kosovës mbajtën mbledhjen e parë të përbashkët, e cila në vitet e mëvonshme është pasuar nga disa të tjera.

Përtej simbolikës kombëtare, të dy qeveritë kanë deklaruar publikisht se qëllimi kryesor i nismës është forcimi i bashkëpunimit ekonomik mes dy vendeve, për të rritur mirëqenien e shqiptarëve në të dyja anët e kufirit.

Por cilat janë rezultatet 3 vite më vonë? Top Channel shqyrtoi ecurinë e dy treguesve kryesorë: shkëmbimet tregtare dhe investimet e ndërsjella mes dy vendeve.

Sipas INSTAT, vitin e kaluar shkëmbimet tregtare mes Shqipërisë dhe Kosovës ishin 22.4 miliardë lekë, ose 100 milionë lekë më të ulëta sesa në vitin 2012. Ndërsa të shprehura në raport me prodhimin kombëtar, Shqipëria dhe Kosova aktualisht tregtojnë më pak sesa 5 vite më parë.

Por shkëmbimet tregtare nuk janë treguesi i vetëm që vë në pikëpyetje axhendën e përbashkët ekonomike mes Shqipërisë dhe Kosovës. Edhe investimet e ndërsjella mes dy vendeve janë në nivele gati të papërfillshme.

Sipas Bankës Qendrore të Kosovës, vitin e kaluar investimet shqiptare në Kosovë ishin 28.6 milionë euro, ndërsa investimet kosovare në Shqipëri vetëm 6.4 milionë euro. Në peshë relative, investimet shqiptare në Kosovë përbëjne rreth 13 për qind të totalit të investimeve të huaja, ndërsa ato të Kosovës në Shqipëri vetëm 0.5 për qind.

Të dhënat e shkëmbimeve tregtare dhe investimet e ndërsjellta tregojnë se, prej gati 5 vitesh, axhenda e përbashkët ekonomike mes Shqipërisë dhe Kosovës është thuajse në stanjacion.

Edhe pse gjatë kësaj kohe janë zhvilluar 4 mbledhje të përbashkëta qeverie, janë nënshkruar dhjetëra marrëveshje, si dhe janë trumbetuar me pompozitet në publik po aq nisma, që nga Dogana e përbashkët e deri te njehsimi i certifikatave tregtare.

Sot mund të lexoni Shfletoni kopertinat
Sondazh
    test