Moody’s konfirmon vlerësimin për Spanjën - Bota Sot
Moody’s konfirmon vlerësimin për Spanjën

Ekonomi

E diel, 28 gusht 2016

Moody’s konfirmon vlerësimin për Spanjën

Më: 17 tetor 2012 Në ora: 18:54

Gjermania hap mundësitë e ndihmës për Spanjën përmes një linje kredie prej 50 miliardë euro me të cilat mund të blejë bonot spanjolle nga ana e BQE. Ndërsa Madridi ka tejkaluar me sukses edhe provën e agjencisë së vlerësimit të kreditit Moody’s. Për momentin agjencia ndërkombëtare ka vendosur të mos ndryshojë aftësitë kredituese të borxhit dhe konfirmon vlerësimin me BAA 3. Moody’s afirmon se mbështetja e eurozonës dhe e BQE si dhe përpjekjet e qeverisë spanjolle do t’i mundësojnë Madridit të vijojë hyrjen në tregun financiar me interesa të arsyeshme. Gjithsesi opinioni negativ mbi Spanjën reflekton rreziqet e një vendi që po ndien mungesën e progreseve të qëndrueshme të llogarive publike. Sipas agjencisë Spanja do të kërkojë një linjë kredie nga Mekanizmi Europian i Shpëtimit si një parakusht për aktivizimin e prigramit të blerjes së bonove nga ana e BQE. Moody’s vlerëson gjithashtu se ndërhyrja e bankës do të reduktojë ndjeshëm rrezikun e humbjes së hyrjes në treg të Spanjës në të ardhmen. Por agjencia amerikane Moody’s jep alarmin për situatën në Greqi dhe dobësinë e BE nëse Greqia del nga Eurozona që ende nuk është e sigurt. Mundësia e daljes së Greqisë nga zona euro mbetet një rrezik afirmon Moody’s duke theksuar rrezikun e infektimit në një kontekst të përgjithshëm të dobësisë europiane. Dalja e Greqisë nga Euro vijon të paraqesë një rrezik për të gjitha vendet e dobëta të euros.

Komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh Kush ka të drejtë dhe çfarë duhet të bëj Qeveria me demarkacionin me Malin e Zi?

    Kuvendi duhet ta votojë marrëveshjen për demarkacion me Malin e Zi

    Qeveria duhet ta rishikoj marrëveshjen

    Opozita ka të drejtë që po kundërshton demarkacionin

    Qeveria ka të drejtë për demarkacionin

    Nuk duhet të votohet marrveshja, sepse me demarkacion Kosova humbë tokë

    Shiko rezultatet
test