Ekonomia amerikane rritet me 2%, më shumë se ç'parashikohej - Bota Sot
Ekonomia amerikane rritet me 2%, më shumë se ç'parashikohej

Ekonomi

E martë, 30 gusht 2016

Ekonomia amerikane rritet me 2%, më shumë se ç'parashikohej

Më: 26 tetor 2012 Në ora: 21:22

SHBA-Ekonomia e SHBA u rrit përtej parashikimeve të ekspertëve gjatë 3-mujorit para shtatorit sipas shifrave zyrtare. Sipas Departamentit Amerikan të Tregtisë, ekonomia më e madhe e planetit u rrit me një vlerë vjetore prej 2% gjatë 3-mujorit të tretë.

Ky ndryshim erdhi si pasojë e rritjes së shpenzimeve nga qeveria. Këto shifra janë pjesët e fundit të pasqyrës ekonomike përpara zgjedhjeve presidenciale amerikane midis presidentit aktual, Barrack Obama, dhe kundërshtarit të tij Mitt Romney, të 6 nëntorit. Shpenzimet federale dhe investimet bruto u rritën me 9.6% në krahasim me 3-mujorin e kaluar, ndërsa shpenzimet për mbrojtjen kombëtare u rritën me 13%.

Vështirësitë

Gjatë një thatësire në SHBA, e cila ishte më keqja gjatë 50 vitesh, uli prodhimtarinë e fermave. Kjo ndikoi në shifrat e PPB duke ia ulur pikët me 0.4%, shprehet Departamenti Amerikan i Tregtisë. Me më shumë se 20 milion amerikanë të papunë dhe një borxh publik të stërmadh, ekonomia është bërë një temat qendrore të fushatës zgjedhore. Ekonomia e SHBA tashmë është në rritje duke filluar nga qershori i vitit 2009. Megjithatë sipas Paul Ashworth, kryekonomisti i Capital Economics, ekonomia nuk po rritet me ritme të atilla sa të mundësojë krijimin e punëve dhe të ulë numrin e papunësisë.

“Beteja ekonomike” e dy kandidatëve

Z. Romney e ka sfiduar shpesh rekordin e Presidentit Obama, duke thënë: Ne nuk kemi berë progresin që duhet të kishim bërë” ai vazhdon më tej jo pa shpoti: “Nëse presidenti do të rizgjidhej, ne do të arrinim në një borxh kombëtar prej $20 trilion. Kjo na vë në rrugë për në Greqi”. Kështu u shpreh kundërshtari i Obamës gjatë debatit të dytë presidencial. Presidenti Obama replikoi se Z. Romney nuk kishte një plan me 5 pika për të zgjidhur këtë rregulluar ekonominë por thjesht një plan me “1 pikë” duke i dhënë të kuptonte se e gjithë fushata e tij kapej thjesht në një aspekt të vetëm. Muajin e kaluar, papunësia në SHBA ra nga 8.1% në 7.8% Kjo është ulja më e madhe që nga janari i 2009 kur Z. Obama mori mandatin si Presidenti i SHBA.

Komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh Kush ka të drejtë dhe çfarë duhet të bëj Qeveria me demarkacionin me Malin e Zi?

    Kuvendi duhet ta votojë marrëveshjen për demarkacion me Malin e Zi

    Qeveria duhet ta rishikoj marrëveshjen

    Opozita ka të drejtë që po kundërshton demarkacionin

    Qeveria ka të drejtë për demarkacionin

    Nuk duhet të votohet marrveshja, sepse me demarkacion Kosova humbë tokë

    Shiko rezultatet
test