LIVE: Rusia pëson një ‘goditje fatale’, Ukraina realizon një nga sulmet më vdekjeprurëse – konfirmohet kjo gjë!

Rusia ka pranuar se dhjetëra trupa të saj u vranë në një nga sulmet më vdekjeprurëse të luftës në Ukrainë, duke bërë që zëra nacionalistë të kërkojnë që të ndëshkohen komandantët për strehimin e ushtarëve pranë një depoje municionesh.

Ministria ruse e mbrojtjes tha se 63 ushtarë kishin vdekur në shpërthimin që shkatërroi një kazermë të përkohshme në një ish-kolegj profesional në Makiivka.

Ministria tha se objekti ishte goditur nga katër raketa të lëshuara nga raketahedhësit HIMARS të prodhuara në SHBA dhe shtoi se dy raketa ishin rrëzuar.

Kievi tha se numri i të vdekurve rusë ishte në qindra, megjithëse zyrtarët pro-rusë e quajtën këtë shifër një ekzagjerim.

Dronët, raketat dhe predhat e artilerisë të lëshuara nga forcat ruse goditën zona anembanë Ukrainës. 

Pesë persona u plagosën në sulmet me bombë mëngjesin e së hënës në një zone të kontrolluar nga Ukraina në rajonin jugor të Khersonit, tha përmes platformës Telegram, guvernatori Jaroslav Janusheviç. 

Zyrtari tha se forcat ruse sulmuan qytetin Beryslav, duke qëlluar ndaj një tregu lokal, me gjasë nga një tank. “Tre nga të plagosurit janë në gjendje të rëndë dhe po evakuohen në Kherson”, tha Janusheviç. 

Shtatë dronë u qëlluan mbi rajonin jugor të Mykolaivit, sipas guvernatorit Vitali Kim dhe tre të tjerë u qëlluan në rajonin juglindor të Dnipropetrovskut, tha guvernatori Valentyn Reznichenko. Sipas tij, objektiv ishte infrastruktura energjitike. 

Komanda e Forcave Ajrore të Ukrainës njoftoi të hënën se gjatë natës u lëshuan 39 drone Shahed të prodhuara nga Irani, dy dronë Orlan të prodhuar nga Rusia si dhe një raketë X-59. 

"Ne po qëndrojmë të fortë," shkroi në Twitter ministria ukrainase e Mbrojtjes. 

Një sulm i fuqishëm gjatë Vitit të Ri la të vrarë të paktën katër civilë dhe plagosi dhjetra të tjerë anembanë vendit, njoftuan autoritetet ukrainase.“Viktima e katërt, një banor 46 vjeçar i Kievit, vdiq në një spital të hënën në mëngjes”, tha zoti Klitschko. 

Në Rusi, një dron ukrainas goditi një njësi energjitike në rajonin Bryansk që kufizohet me Ukrainën, raportoi të hënën në mëngjes guvernatori rajonal i Bryanskut, Alexander Bogomaz. “Për pasojë, një fshat mbeti pa energji elektrike”, tha ai./VOA

Rusia pranoi të hënën se dhjetëra trupa të saj u vranë në një nga sulmet më vdekjeprurëse të luftës në Ukrainë, duke bërë që zëra nacionalistë të kërkojnë që të ndëshkohen komandantët për strehimin e ushtarëve pranë një depoje municionesh.

Ministria ruse e mbrojtjes tha se 63 ushtarë kishin vdekur në shpërthimin që shkatërroi një kazermë të përkohshme në një ish-kolegj profesional në Makiivka.

Ministria tha se objekti ishte goditur nga katër raketa të lëshuara nga raketahedhësit HIMARS të prodhuara në SHBA dhe shtoi se dy raketa ishin rrëzuar. Kievi tha se numri i të vdekurve rusë ishte në qindra, megjithëse zyrtarët pro-rusë e quajtën këtë shifër një ekzagjerim.

Blogerët ushtarakë rusë, shumë prej të cilëve kanë qindra mijëra ndjekës, thanë se shpërthimi masiv ishte rezultat i ruajtjes së municioneve në të njëjtën ndërtesë me një kazermë, pavarësisht se komandantët e dinin se ishte brenda rrezes së raketave ukrainase./VOA

Presidenti i Ukrainës, Volodymyr Zelensky ka dënuar valën e sulmeve ruse me dronë, që shënjestruan qytetet ukrainase në natën e Vitit të Ri.

Sipas tij, ushtria ruse ka një frikë të dukshme, dhe siç tha ai me të drejtë, pasi ajo do të humbas luftën në Ukrainë, shkruajnë mediat e huaja.

“Terroristët rusë janë shfaqur tashmë si patetikë, dhe si të tillë e kanë nisur Vitin e Ri... Ndjenja jonë e bashkimit, autenticiteti ynë, vetë jeta, e gjithë kjo bie në kontrast me frikën që mbizotëron në Rusi”, tha Zelensky.

Ushtria ruse nisi një valë të re sulmesh me dronë kamikazë drejt qyteteve të Ukrainës gjatë natës së Vitit të Ri, porse sipas presidentit ukrainas, kjo e fundit nuk do të arrijë larg.

“Edhe me dronë dhe raketa, ushtria ruse nuk do të arrijë larg. Sepse ne qëndrojmë së bashku. Pala ruse, nga ana tjetër, mbahet e bashkuar vetëm nga frika”, tha ai.

Ushtria ukrainase pretendon se ka  vrarë rreth 400 ushtarë rusë në një sulm raketor në zonën e Donjeckut.

Raketat sulmuan një objekt në qytetin e Makiivkas, ku  mendohej se ishin stacionuar ushtarët rusë, raporton BBC.

Autoritetet pro ruse i kanë pranuar dëmet, por nuk kanë konfirmuar shifrat për të cilat raportohen.

Një zyrtar rus në zonën e okupuar të Donjeckut ka thënë se sulmet u kryen dy minuta pas Vitit të Ri.

“Një shpërthim masiv ndodhi në një shkollë pushimesh, nga një raketë amerikane HIMARS”, ka thënë ai.

Sakaq, sipas ushtrisë ukrainase, përveç rreth 400 ushtarëve  të vrarëve, nga sulmet janë plagosur edhe 300 njerëz tjerë.

Administrata e instaluar nga Rusia tha se të paktën 25 raketa u hodhën në rajon gjatë natës së Vitit të Ri.

Beteja të ashpra u ndezën në lindje dhe jug të Ukrainës në Vitin e Ri, përcjell Bota sot.

Zëdhënësi i Komandës Ushtarake Lindore Serhiy Cherevati tha më 1 janar se Rusia me sa duket ka nevojë për një "pauzë operacionale" për shkak të humbjeve të saj të rënda pranë Bakhmut dhe Soledar në rajonin e Donetsk, por ka të ngjarë të vazhdojë sulmet për "arsye politike".

Duke folur në televizion, Cherevati shtoi se Rusia përdor civilë dhe të burgosur të mobilizuar në dhe afër Bakhmut.

Rusia ka grumbulluar trupat dhe pajisjet e saj në një përpjekje të dëshpëruar për të kapur Bakhmutin për gjashtë muaj. Të dyja palët pësuan viktima të rënda në betejën e gërryerjes dhe luftën brutale të llogoreve rreth Bakhmutit.

Trupat ruse vazhduan granatimet e tyre rutinë të vendbanimeve pranë Bakhmut, Avdiivka, Lyman dhe Novopavlivka në Donetsk Oblast gjatë Vitit të Ri, tha Shtabi i Përgjithshëm i Ukrainës në konferencën e tij të mbrëmjes.

Në një fjalim të mbrëmjes, Presidenti Volodymyr Zelensky tha se trupat ruse janë "të frikësuar" sepse "po humbasin", duke shtuar se "dronët, raketat, gjithçka tjetër nuk do t'i ndihmojnë ata".

Forcat ukrainase sulmuan pjesë të Donetskut në natën e Vitit të Ri, thonë zyrtarët rusë.

Sipas tyre, nga sulmet me sistemin e avancuar raketor amerikan HIMARS, janë plagosur të paktën 15 persona.

Daniil Bezsonov, zyrtar i lartë i mbështetur nga Rusia, tha se shkolla teknike kishte pësuar një “goditje masive nga HIMARS-i i SHBA”.

“Ka pasur të vdekur dhe të plagosur, numri i saktë nuk dihet ende”, shtoi Bezsonov në aplikacionin Telegram.

Ndryshe rezultatet e fundit të ukrainasve dhe pranimi nga ana e rusëve dhe separatistëve pro-rusë se po pësojnë humbje, dëshmon se ukrainasit janë në rrugën e duhur të çlirimit të pjesëve tjera të Ukrainës që mbahen nën kontrollin e rusëve. 

Dronët rusë kanë shënjestruar infrastrukturën në kryeqytetin e Ukrainës gjatë natës, duke shkaktuar ndërprerje të energjisë në disa pjesë të qytetit. tha guvernatori i Kievit, Oleksiy Kuleba.

“Rusët lëshuan disa valë të dronëve Shahed, duke synuar objektet kritike të infrastrukturës. “Mbrojtja ajrore është në punë”.

Kryetari i bashkisë së Kievit Vitali Klitschko tha: "Ka ndërprerje emergjente të energjisë në qytet".

Ai vjen pasi forcat ukrainase rrëzuan 45 dronë Shahed të prodhuar nga Irani të gjuajtur nga Rusia në natën e parë të vitit.

Presidenti Volodymyr Zelenskyy tha: "Dronët, raketat, gjithçka tjetër nuk do t'i ndihmojnë (rusët), sepse ne qëndrojmë të bashkuar. Ata janë të bashkuar vetëm nga frika."

Forcat ukrainase bombarduan qytetin Makiivka dhe pjesë të tjera të kontrolluara nga Rusia të Donetsk në natën e Vitit të Ri, sipas zyrtarëve.

Agjencia ruse e lajmeve TASS citoi zyrtarë të instaluar në Moskë të kenë thënë se të paktën 15 persona u plagosën në sulmet nga armët e Sistemit të Raketave të Artilerisë së Lëvizshmërisë së Lartë (HIMARS).

TASS raportoi se një person mbeti i vdekur dhe pesë të plagosur, dhe se ndërtesat e goditura përfshinin një stadium, një pazar të brendshëm, një muze arti, një shkollë teknike dhe një qendër rinore. Daniil Bezsonov, një zyrtar i lartë i mbështetur nga Rusia në pjesët e kontrolluara nga Moska të rajonit të Donetsk, tha se shkolla teknike kishte pësuar "një goditje masive nga MLRS (sistemi i raketave me shumë lëshime) amerikane HIMARS".

“Ka pasur të vdekur dhe të plagosur, numri i saktë ende nuk dihet”, tha zoti Bezsonov në aplikacionin e mesazheve Telegram. "Vetë ndërtesa u dëmtua rëndë." Ministria ruse e mbrojtjes tha se kishte shkatërruar shtatë raketa HIMARS, përfshirë në Makiivka.

Mbeturinat nga një dron i shkatërruar kanë goditur lagjen verilindore të banimit të Kievit, Desnianskiy, tha kryebashkiaku i qytetit. Vitali Klitschko tha se mbeturinat goditën një rrugë dhe dëmtuan një ndërtesë.

Një person - një burrë 19-vjeçar - është dërguar në spital, shtoi ai.

Është nata e dytë radhazi e sulmeve ruse në kryeqytetin e Ukrainës - në natën e Vitit të Ri, raketat u gjuajtën në qytet.