E vetmja gazetë katërvjeçare në botë, ka dalë sërish në kioska në Francë me publikimin e një numri të ri të gazetës satirike La Bougie du Sapeur.
E veçanta e tabloidit prej 20 faqesh është se ai del vetëm më 29 shkurt – pra një herë në vit të brishtë.
Botimi i parë ishte në vitin 1980, dhe ky është numri i 12.
I konceptuar nga një grup miqsh që “dëshironin të qeshnin”, La Bougie du Sapeur ka një printim prej 200,000 copash.
Çmimi i tij është 4,90 € dhe më shumë se sa i plotëson kostot e tij.
“Pasi numri i parë u shit brenda dy ditësh, shitësit e gazetave po brohoritnin për më shumë kopje – kështu që ne thamë mirë, por vetëm pas katër vjetësh!”, thotë redaktori Jean d’Indy, puna kryesore e të cilit është drejtimi i ekuivalentit francez të Klubi i Xhokeve.
“Gazeta publikohet ende nga disa miq. Ne takohemi në një bar dhe hedhim idetë rreth pijeve. Ne argëtohemi shumë, dhe nëse lexuesi e bën gjithashtu, kjo është qershia mbi tortë”, thotë z. d’Indy, raporton BBC.
