Ministri italian i Kulturës, Dario Françeskini, u ka bërë thirrje italianëve që të vizitojnë sot masivisht muzetë dhe zonat arkeologjike.
Fitimet e të dielës nga muzetë shtetërore në mbarë Italinë do të dhurohen për familjarët e viktimave të tërmetit.
I njëjti apel u bë edhe nga kryetari i bashkisë Serxho Piroci, që kërkon rindërtimin e Amatriçes. “T’i hyjmë punës për ata në radhë të parë sepse kjo është gjëja më e drejtë për t’u bërë. Do të jetë një mënyrë e mrekullueshme për t’i dhënë atyre njerëzve qetësi”, shprehet ai.
Deri më tani nga tërmeti shkatërrimtar i së martës numërohen plot 291 viktima.
