Ministri i drejtësisë në Turqi, Bekir Bozdag ka deklaruar se ka informacione se imami Fetullah Gylen mund të largohet nga Shtetet e Bashkuara të Amerikës.
Turqia vazhdon të akuzojë Gylen si organizator të grushtit të shtetit, megjithëse imami e ka mohuar kategorikisht.
Ministri turk i drejtësisë ka deklaruar se ka marrë informacione nga shërbimet inteligjente se Gylen mund të lërë SHBA-të, për tu larguar drejt katër vendeve: Norvegji, Belgjikë, Meksikë ose Kanada, shkruan e përditshmja turke, Sabah, përcjell botasot.info.
“Kujtoni sikur ndonjë terrorist që bombardon Shtëpinë e Bardhë dhe vret 241 amerikanë të fshehej në Turqi,” tha Bozdag, duke kujtuar vrasjet e 241 personave gjatë natës së 15 korrikut, Grushtit të dështuar të shtetit.
Fetullah Gylen jeton në Pensilvani të Shteteve të Bashkuara që prej vitit 1999./BS/
