Liderët e dy grupeve më të mëdha në Parlamentin Evropian kanë bërë thirrje sot BE-së që t’i ndërpresë bisedimet me Turqinë për anëtarësim në BE, për shkak të spastrimeve të saj pas puçit të dështuar.
“Mesazhi jonë për Turqinë është shumë i qartë: Negociatat për pranim duhet të ndërpriten menjëherë,” ka thënë shefi i grupit më të madh në Parlamentin Evropian, Manfred Weber, nga Partia e Popullit Evropian.
Edhe lideri i grupit socialit të partisë së dytë më të madhe në Parlament, Gianni Pitella, ka thënë: “Duam ndërprerjen e bisedimeve për anëtarësim.”
Më shumë se 110.000 njerëz, përfshirë ushtarë, akademikë, gjykatës, gazetarë dhe liderë kurdë – janë suspenduar nga pozitat apo përjashtuar në Turqi, nën dyshimet se e kanë përkrahur puçistët të puçit të dështuar ushtarak të 15 korrikut.
“Turqia nën udhëheqjen e Erdoganit është duke shkuar drejt një regjimi autoritarian, gjithnjë e më shumë,” ka thënë Pitella.
Ai ia ka bërë me dije Turqisë se të drejtat e njeriut, të drejtat civile dhe demokracia nuk janë të negociueshme, nëse dëshiron të bëhesh pjesë e BE-së.
