Kremlini ka thënë sot se është tepër herët të thuhet se kush qëndron prapa vrasjes së ambasadorit rus në Turqi, Andrei Karlov, i cili të hënën u qëllua për vdekje nga një person i armatosur në Galerinë e Arteve në Stamboll.
Ndërkohë, ministri i Jashtëm i Turqisë i ka thënë Sekretarit të Jashtëm të SHBA-së, John Kerry, se Ankaraja dhe Moska besojnë se ndjekësit e klerikut mysliman Fethullah Gulen, qëndrojnë pas vrasjes së ambasadorit.
Por, kur zëdhënësi i Kremlinit, Dmitry Peskov, u pyet sot rreth komenteve të ministrit të Jashtëm të Turqisë, ai tha se është tepër herët që të nxirren përfundime për atë se kush ka mundur ta orkestronte vrasjen e tij.
“Kemi nevojë të presim për rezultatet e grupit të përbashkët hetues. S’ia vlenë të ngutemi me përfundime,” ka thënë ai.
