Një shpërthim i fuqishëm ka tronditur një fabrikë kimike në qytetin e Paterna në Valencia, Spanjë, kanë bërë të ditur autoritetet e këtij vendi.
Një video e shpërthimit tregon një zjarr të madh dhe shtëllunga tymi në rritje, të cilat dalin nga ndërtesa.
Siç shkruajnë mediat e huaja, incidenti ka ndodhur në Fuente del Jarro industriale në Paterna në mëngjesin e së mërkurës, duke shtuar se të paktën një person u dërgua në spital me djegie.
#fuentedeljarro #Paterna #incendio #induken # pic.twitter.com/OsvC7ryds4
— Pableras (@pableras1101) February 8, 2017
Fabrika thuhet se punon me klor, një gaz toksik që mund të shkaktoj dëmtimin e sistemit të frymëmarrjes, syve dhe lëkurës.
Flakët ishin deri në 15 metra të lartë, sipas medieve spanjolle. Gjithashtu thuhet se mund të ketë pasur disa shpërthime.
Punëtorët e një kompanie të vendosur ngjitur me uzinën kimike u kanë thënë medieve se kur i dëgjuan shpërthimin, ata dolën në rrugë dhe panë ngjarjen, shpërthim që përcillej me flakë.
#incendio #paterna #fuentedeljarro @sextaNoticias @lasprovincias @levante_emv @tve_tve @telecincoes @cuatro @antena3com pic.twitter.com/4MnzXqjZmy
— Pableras (@pableras1101) February 8, 2017
Mësimi në shkollat afër është pezulluar dhe banorët janë këshilluar që mos të dalin jashtë shtëpive të tyre. Gjithashtu u është kërkuar që edhe dyert, dritaret, dhe sistemet e ventilimit t’i mbajnë të mbyllura.
