Shefi i diplomacisë italiane, Angelino Alfano, të martën ka nisur një vizitë zyrtare në Tiranë, ku është takuar me homologun e tij shqiptar Ditmir Bushati.
Me këtë rast numri një i diplomacisë italiane shprehu mbështetjen e pa rezervë të vendit të tij për integrimin e Shqipërisë në Bashkimin Evropian.
“Italia është mbështetësja kryesore për integrimin e Shqipërisë në BE”, tha ai.
Ndryshe, gjatë vizitës në Shqipëri, ministri Alfano do të takohet edhe me shefin e shtetit Bujar Nishani dhe kryeministrin Edi Rama.
