(E plotësuar) - Autoritetet britanike identifikuan sulmuesin e dyshuar të Mançesterit si Salman Abedi.
Kryeministrja e Britanisë, Theresa May, tha më herët se “nuk ka dyshim” se sulmi në një sallë të koncertve në Mançester është “terrorist” dhe shtoi se policia ka zbuluar identitetin e sulmuesit.
“Ky është në mesin e incidenteve më të rënda terroriste që kemi përjetuar në Mbretërinë e Bashkuar. Edhe pse nuk është hera e parë që Mançesteri vuan në këtë mënyrë, ai është sulmi më i keq në këtë qytet dhe më i keqi në veri të Anglisë”, tha May.
Policia e Mançesterit bëri të ditur se 22 veta janë vrarë dhe 59 janë plagosur në sulmin vetëvrasës, që ndodhi të hënën rreth orës 22:35, sipas kohës lokale, disa minuta pasi këngëtarja amerikane, Ariana Grande, përfundoi koncertin në sallen Mançester Arena.
Grupi militant Shteti Islamik e mori përgjegjësinë për sulmin, duke thënë se një prej pjesëtarëve të tij e ka kryer atë. Mbështetësit e organizatës ekstremiste festuan online.
Policia tha se ka arrestuar një 23-vjeçar në Mançesterin Jugor, që dyshohet se ka lidhje me sulmin.
Kryeministrja May tha se shërbimet e sigurisë “janë duke punuar me shpejtësi për të pasur një pamje më të qartë”.
“Policia dhe shërbimet e sigurisë besojnë se sulmi është kryer nga një person, por ata duhet të dinë nëse ai ka vepruar i vetëm apo është pjesë e ndonjë grupi më të gjerë. Do të duhet ca kohë për t’i siguruar këto fakte dhe hetimet do të vazhdojnë”, tha May.
Ajo theksoi se “në mesin e të vrarëve dhe të plagosurve ka shumë fëmijë dhe të rinj”. Një 8-vjeçare e vrarë u identifikua si Saffie Roussos.
Mbretëresha Elizabeth shprehu “keqardhje të thellë” për të gjithë të prekurit nga fatkeqësia dhe tha se “i gjithë kombi është tronditur nga vdekjet dhe plagosjet”.
Presidenti i Shteteve të Bashkuara, Donald Trump, tha se sulmi është kryer nga “humbës të këqij”.
Duke folur nga Betlehemi, Trump tha se sulmi “goditi fëmijë të pafajshëm”.
Ai po ashtu tha se “kombet e civilizuara duhet të bashkohen për të mbrojtur jetët e njerëzve” dhe se “kjo ideologji e ligë duhet të zhduket”.
Kancelarja gjermane, Angela Merkel, shprehu “pikëllimin dhe tmerrin” e saj, duke thënë se Gjermania do të qëndrojë me Britaninë në luftën kundër terrorizmit.
Presidenti i Francës, Emmanuel Macron, u shpreh po ashtu “i tmerruar” dhe tha se do të bisedojë me kryeministren britanike për këtë “mizori”.
Presidenti i Komisionit Evropian, Jean-Claude Juncker, tha se “është i trishtuar dhe i tronditur” nga “sulmi brutal”.
Në një deklaratë të Kremlinit thuhet se presidenti rus, Vladimir Putin, e dënonn fuqishëm këtë “krim cinik dhe çnjerëzor”.
Në një video të shfaqur nga rrjeti televiziv Sky News dëgjohet shpërthimi brenda sallës ku është mbajtur koncerti i këngëtares Grande.
22 të vrarë dhe 120 të plagosur nga shpërthimi në Mançester, ISIS merr përgjegjësinë për sulmin
Kryeministrja e Britanisë, Theresa May, tha se “nuk ka dyshim” se sulmi në një sallë të koncertve në Mançester është “terrorist” dhe shtoi se policia ka zbuluar identitetin e sulmuesit.
“Ky është në mesin e incidenteve më të rënda terroriste që kemi përjetuar në Mbretërinë e Bashkuar. Edhe pse nuk është hera e parë që Mançesteri vuan në këtë mënyrë, ai është sulmi më i keq në këtë qytet dhe më i keqi në veri të Anglisë”, tha May.
Policia e Mançesterit bëri të ditur se 22 veta janë vrarë dhe 120 janë plagosur në sulmin vetëvrasës, që ndodhi të hënën rreth orës 22:35, sipas kohës lokale, disa minuta pasi këngëtarja amerikane, Ariana Grande, përfundoi koncertin në sallen Mançester Arena.
Grupi militant Shteti Islamik e mori përgjegjësinë për sulmin, duke thënë se një prej pjesëtarëve të tij e ka kryer atë. Mbështetësit e organizatës ekstremiste festuan online.
Policia tha se ka arrestuar një 23-vjeçar në Mançesterin Jugor, që dyshohet se ka lidhje me sulmin.
Kryeministrja May tha se shërbimet e sigurisë “janë duke punuar me shpejtësi për të pasur një pamje më të qartë”.
“Policia dhe shërbimet e sigurisë besojnë se sulmi është kryer nga një person, por ata duhet të dinë nëse ai ka vepruar i vetëm apo është pjesë e ndonjë grupi më të gjerë. Do të duhet ca kohë për t’i siguruar këto fakte dhe hetimet do të vazhdojnë”, tha May.
Ajo theksoi se “në mesin e të vrarëve dhe të plagosurve ka shumë fëmijë dhe të rinj”
Të paktën 22 persona janë vrarë – përfshirë edhe fëmijë - dhe 59 të tjerë janë plagosur, në një sulm të dyshuar terrorist, jashtë një arene në qytetin e Mançesterit.
Policia britanike ka thënë se sulmi besohet se është kryer nga një person, pas koncertit, që këngëtarja amerikane, Ariana Grande ka mbajtur në Manchester Arena.
“Në këtë fazë, ne besojmë se sulmi i mbrëmshëm është kryer nga një person”, ka thënë shefi i policisë në Mançester, Ian Hopkins.
“Sulmues, mund të konfirmojë se ka vdekur në vendngjarje. Ne besojmë se sulmuesi e ka kryer sulmin me një pajisje shpërthyese të inprovizuar, të cilin e ka detonuar”.
“Prioriteti jonë është që të kuptojmë nëse ai ka vepruar i vetëm apo është pjesë e ndonjë rrjeti”, ka thënë Hopkins.
***
Sipas të dhënave të fundit të policisë britanike, shpërthimi në Mançester është kryer nga një atentator vetëvrasës. Atentatori hodhi veten në erë, kur spektatorët po dilnin nga arena. Gjermania reagon e tronditur.
Shpërthimi që ndodhi në koncertin e popit të këngëtares, Ariana Grande në Mançester të hënën në orët e vona, sipas të dhënave të fundit të policisë britanike është kryer nga një atentator vetëvrasës. Atentatori hodhi veten në erë në kohën, kur spektatorët po dilnin nga arena e Mançesterit.
Ky person e ka pasur në trup lëndën shpërthyese, bëri të ditur drejtori i policisë së Mançesterit, Ian Hopkins, të martën (23.05) në mëngjesin e së martës. Bashkë me atentatorin, numri i viktimave të tjerra rritet në 22 vetë, ndër ta edhe disa fëmijë. Policia u shpreh, se duhet zbuluar, nëse ky person ka vepruar i vetëm, apo nëse pas tij fshihet një rrjet i caktuar. Mediat bëjnë të ditur, se përkrahësit e të ashtuquajturit "Shteti Islamik" kanë festuar në rrjetet sociale, megjithëse deri në orët e para të së martës askush nuk e ka marrë përgjegjësinë për sulmin.
Ky atentat është sulmi më i rëndë terrorist nga viti 2005 në Britaninë e Madhe, kur katër atentatorë vetëvrasës në autobusët dhe metrotë e Londrës vranë 52 vetë. Vetë këngëtarja, ariana Grande shkruan e tronditur në Twitter: "Nuk kam fjalë, më vjen tmerrësisht keq".
Reagime pas sulmit në Mançester
Reagime të tronditura vijnë pas sulmit në Mançester. Presidenti francez, Emmanuel Macron shprehu ngushëllimet më të thella për britanikët. Qeveria e Parisit do të vazhdojë të bashkëpunojë me britanikët në luftë kundër terrorizmit, thuhet në një deklaratë të presidencës franceze. Zëdhënësi i qeverisë gjermane, Steffen Seibert shkroi në Twitter: "Lajme të tmerrshme nga Mançesteri. Jemi me mendje e zemër tek viktimat dhe të plagosurit, tek ata që humbën e kërkojnë të afërmit". Ministri i Jashtëm gjerman, Sigmar Gabriel e cilësoi sulmin "si të tmerrshëm. Gabriel shkroi se "mendimet tona janë tek mikeshat e miqtë tanë britanikë. Qëndrojmë të bashkuar."
Fushata zgjedhore ndërpritet
Në Britaninë e Madhe u ndërpre fushata zgjedhore, si nga kryeministrja Theresa May, ashtu edhe nga kreu i laburistëve, Jeremy Corbin. Koncerti i këngëtares, Ariana Grande u ndërpre dje vonë (22.05) nga atentati. Grande është veçanërisht e preferuar tek rinia dhe adoleshentët. Arena e Mançesterit ka kapacitet për 21.000 vetë.
Edhe sulmuesi në mesin e viktimave
Në sulmin e mbrëmshëm në Manchester Arena, që dyshohet të jetë terrorist, humbën jetën 22 persona, ku ndër ta raportohet se është edhe vetë sulmuesi.
Sulmuesi thuhet të ketë qenë i vetëm dhe i gjinië mashkullore, i cili kishte vdekur në shpërthim, shkruan BBC.
Ai po e bartte një pajisje të improvizuar eksplozive të cilën e kishte detonuar.
Policia dyshon për sulm terrorist
Policia e Greater Manchester thotë se janë konfirmuar 22 të vdekur në sulmin e dyshuar si terrorist që ndodhi në koncertin e këngëtares Ariana Grande në Manchester të Anglisë.
Pas një shpërthimi gjatë një koncerti të këngëtares, Ariana Grande në arenën e Mançesterit humbën jetën 19 vetë. Policia dyshon për sulm terrorist.
Arsyeja e shpërthimit rreth orës 22:30 (23:30 ora lokale) në hollin e arenës së Mançesterti nuk dihet ende saktë. Dëshmitarët thanë se dëgjuan një shpërthim të fortë në holl, pas kësaj u zhvilluan skena dramatike.
Shumë njerëz ishin të mbuluar nga gjaku, bërtisnin, apo qanin, ndërkohë që shumë të tjerë vraponin drejt daljes. Shpërthimi në arenën e Mançesterit shkaktoi 19 viktima dhe rreth 60 të plagosur. Policia e trajton këtë rast si sulm terrorist, derisa të dalin përfundime të reja nga hetimet.
Kryeministrja britanike, Theresa May ka ndërprerë fushatën zgjedhore për zgejdhjet parlamentare në Britaninë e Madhe dhe ka thirrur një mbledhje urgjente të kabinetit qeveritar.
Shpërthim në Manchester, të paktën 19 viktima
Një shpërthim i fuqishëm ka ndodhur mbrëmjen e të hënës, në Angli, në qytetin e Manchesterit.
Shpërthimi ndodhi në "Manchester Arena", ku ishte duke u mbajtur koncerti i këngëtares amerikane Ariana Grande. Nga shpërthimi janë raportuar 19 viktima të konfirmuara dhe mbi 50 persona të lënduar.
Ende nuk dihen shkaqet e shpërthimit, ndërkohë që autoritetet vendase po hytojnë mbi dyshimet e një sulmi terrorist.
"Të gjithë filluan të vrapojnë dhe të ulërasin. Në tokë shikoje telefona dhe sende personale të njerëzve, të cilët ishin të frikësuar dhe duke qarë", tregoi një dëshmitar okular.
Policia vendase bën thirrje që njerëzit të qëndrojnë sa më larg vendit të ngjarjes, ndërkohë që është mbyllur edhe stacioni i metrosë, Manchester Victoria, që ndodhet shumë pranë vendit ku ndodhi shpërthimi.
Lexo edhe këto lajme
Ky është numri emergjent për shtetasit e Kosovës në Manchester
Pas sulmit Ariana Grande në vend të sigurtë
Të famshmit solidarizohen me viktimat e sulmit të Manchesterit
Sulmi në Manchester, momentet kur publiku ikën nga koncerti, të bërtitura dha panik
