Liderët e partisë anti-imigracion UKIP akuzuan të enjten kryeministren britanike Theresa May se ka një farë përgjegjësie në sulmin e Mançesterit, duke prezantuar programin e tyre për legjislativet, duke shënuar në këtë mënyrë rifillimin e fushatës pezulluar pas sulmit.
”Theresa May mban një farë përgjegjësie për sulmin që goditi Mançesterin të hënën në mbrëmje, ku u regjistruan 22 të vdekur. Të gjithë politikanët që votuan ulje të buxhetit për shërbimet e sigurisë kanë përgjegjësi”, ka thënë Suzanne Evans, zëvendës presidente e partisë.
Paul Nuttall, kreu i partisë akuzoi Ministrinë e Brendshme, drejtuar nga Theresa May nga viti 2010 deri në 2016 se ka reduktuar numrin e agjentëve të policisë, të rojeve kufitare, të gardianëve të burgjeve. Ai më pas akuzoi tërë klasën politike për “dobësi” në kundërpërgjigjen kundër terrorizmit gjatë viteve të fundit.
