Kancelarja gjermane, Angela Merkel u bëri sot thirrje 27 vendeve tjera anëtare të BE-së që të qëndrojnë së bashku gjatë bisedimeve për largimin e Britanisë së Madhe nga Bashkimi Evropian.
Ajo tha se bisedimet janë të rëndësishme për të ardhmen e integrimeve evropiane.
“Të qëndrojmë së bashku, ejani të mos ndahemi ndërmjet veti. Nuk bëhet fjalë vetëm për largimin e Britanisë nga Unioni, me të cilën dëshirojmë të mbetemi miq dhe të jetojmë në marrëdhënie të mira, por bëhet fjalë edhe për të ardhmen e BE-së”, ka porositur Merkel në konferencën për industrinë gjermane, transmeton Reuters.
