Një aeroplan i mallrave është rrëzuar në detin e Bregut të Fildishtë, pranë aeroportit të Abidjanit, duke lënë të vdekur katër persona dhe gjashtë të tjerë plagosur, raporton BBC, përcjell “Bota sot”.
Mbetjet e aeroplanit kanë rënë në një plazh, ku ekipet shpejtuese kanë arritur t’i shpëtojnë të mbijetuarit.
Katër personat e vdekur janë të nacionalitetit moldavë, ndërsa katër shtetas francezë dhe dy moldavë u plagosën.
Raportohet se një person u arrestua pas rrëzimit. Është e paqartë nëse ata janë një anëtar i ekuipazhit.
Agjencia e lajmeve Reuters njofton se avioni u rrëzua gjatë një stuhie me shi dhe rrufe të rënda.