Kryeministri kroat Andrej Plenkoviq vlerësoi sot se dënimi me burg të përjetshëm i Ratko Mladiqit për krimet në Bosnje e Hercegovinë është i drejtë, por shprehu keqardhje pse pjesë e aktakuzës të Tribunalit të Hagës s’kanë qenë edhe krimet që i ka bërë në Kroaci, transmeton Gazeta Express.
“Marrë parasysh veprat më të rënda të krimit kundër njerëzimit që ishin lëndë e aktakuzës, mendojmë se, kur dihen tërë ato krime në të cilën ka marrë pjesë Mladiqi dhe veprimet që ky bashkim kriminel i ka bërë në BeH, si dhe se u dëshmua gjenocidi në Srebrenicë, ky aktgjykim është i përshtatshëm, duke marrë parasysh dispozitat e statutit të Gjykatës Ndërkombëtare Penale për ish-Jugosllavinë”, u deklaroi Plenkoviq gazetarëve në Zagreb.
Ai me këtë rast ka shprehur keqardhje që pjesë e aktakuzës nuk kanë qenë edhe krimet e Mladiqit në Kroaci, por konsideron se vëllimi i madh i veprave për të cilat ngarkohej komandanti i ushtrisë serbe në luftën në BeH ka qenë arsyeja pse aktgjykimi nuk është zgjeruar.
