Mario Centeno zgjidhet president i Eurogrupit - Bota Sot
Mario Centeno zgjidhet president i Eurogrupit

Evropë

E hënë, 18 dhjetor 2017

Mario Centeno zgjidhet president i Eurogrupit

Më: 4 dhjetor 2017 Në ora: 20:51
Mario Centeno

Ministri portugez i Financave, Mario Centeno u zgjodh sot në krye të Eurogrupit, me detyrën që të përfundojë kantierin e rëndë të reformimit të eurozonës.

“Ky është një nder”, u shpreh para medias, Centeno, që vjen nga një qeveri socialiste.

Portugezi që shihej si favorit, u zgjodh në raundin e dytë të votimit përballë liberalit luksemburgas, Pierre Gramegna.

I zgjedhur për dy vite e gjysmë, shefi i Eurogrupit drejton mbledhjet mujore të ministrave, ku objektivi kryesor është të garantohet koordinimi i politikave ekonomike kombëtare.

Ky është një nga pozicionet me më shumë peshë në Bruksel bashkë me presidentët e tre institucioneve të mëdha të BE-së, Jean Claude Juncker (Komisioni), Donald Tusk (Këshilli), Antonio Tajani (Parlamenti) si dhe shefja e diplomacisë, Federica Mogherini.

Sot mund të lexoni Shfletoni kopertinat
Sondazh
    test