I vazhdohet paraburgimi ish-zëvendëspresidentit të Katalonjës - Bota Sot
I vazhdohet paraburgimi ish-zëvendëspresidentit të Katalonjës

Evropë

E mërkurë, 18 korrik 2018

I vazhdohet paraburgimi ish-zëvendëspresidentit të Katalonjës

Më: 5 janar 2018 Në ora: 15:13
Oriol Junqueras

Gjykata Supreme në Spanjë ka urdhëruar që ish-zëvendëspresidenti i Katalonjës, Oriol Junqueras të qëndron në paraburgim edhe për dy muaj, për shkak të rolit të tij në lëvizjen për pavarësi të këtij rajoni.

Në vendimin me shkrim, gjyqtarët kanë thënë ka rrezik që Junqueras të kryejë sërish veprat e njëjta nëse ai lirohet.

Junqueras akuzohet nga autoritetet spanjolle për rebelim, kryengritje dhe keqpërdorim të fondeve publike.

Ky vendim i Gjykatës Supreme spanjolle, do të bëjë të pamundur që Junquereas, të jetë i pranishëm në seancën e parë të Parlamentit të ri të Katalonjës, që është paraparë të mbahet më 17 janar.

Rajoni i Katalonjës, më 1 tetor 2017 mbajti referendumin për pavarësi. Ndonëse shumica votuan pro pavarësisë nga Spanja, autoritetet spanjolle nuk kanë njohur rezultatet e referendumit, të cilin Madridi zyrtar e ka quajtur të jashtëligjshëm.

Sot mund të lexoni Shfletoni kopertinat
Sondazh
test