Drejtoresha e përgjithshme e Fondit Monetar Ndërkombëtar (FMN), Christine Lagarde theksoi sot në Dublin se zona euro duhet të jetë e përgatitur për pritjen e një mbërritjeje masive të shoqërive financiare për shkak të Brexit.
“Është thelbësore të reagosh që gjithçka të jetë gati përsa i përket rregullimit dhe mbikëqyrjes për fluksin masiv të kompanive financiare”, deklaroi ajo gjatë një konference për monedhën unike europiane.
Deklaratat e Lagarde, e cila zhvilloi një vizitë dyditore në Irlandë, u bënë ndërkohë që mijëra biznesmenë dyshojnë gjithnjë e më shumë për një dështim të negociatave mes Britanisë së Madhe dhe Bashkimit Europian.
