Julia Roberts do të jetë pjesë e kastit të filmit më të ri të animuar “Smurfs: The Lost Village”.
Roberts do të realizojë zërin e personazhit më të ri femër në këtë film, SmurfWillow. Në një intervistë aktorja u pyet mbi faktin se si ndihet që do të jetë pjesë e kastit të këtij filmi dhe përgjigja e saj ishte shumë e sinqertë.
49-vjeçarja u shpreh se "Smurfs" kanë qenë popullorë që kur ajo ka qenë e vogël dhe vazhdojnë të jenë dhe sot e kësaj dite kështu që për të është kënaqësi që të jetë pjesë e grupit që do të realizojnë këtë film.
Ajo vijoi më tej duke thënë se do të jetë një eksperiencë shumë e bukur. Ndërkohë për zërat e personazheve të tjerë në këtë film do të jenë edhe Demi Lovato, Rainn Wilson së bashku me Joe Manganiello.
